Amafoto: Umunsi Kamichi yasezeranye mu mategeko n’umukunzi we

Yanditswe na Munyengabe Murungi Sabin
Kuya 11 Kamena 2018 saa 08:12
Yasuwe :
0 0

Adolphe Bagabo [Kamichi] wakunzwe mu Rwanda mu njyana ya Afrobeat yasezeranye imbere y’amategeko n’umukunzi we bamaranye igihe bakundana.

Umuhango wo guhana isezerano hagati ya Kamichi n’umukunzi we wabereye mu Mujyi wa Knoxville[aho Kamichi aba] muri Leta ya Tennessee ku wa 8 Kamena 2018.

Kamichi yarushinganye n’umukobwa[utifuza ko imyirondoro ye ijya mu itangazamakuru] nyuma y’imyaka ine yari amaze yimukiye muri Leta Zunze Ubumwe za Amerika.

Ibyerekeye urukundo rwa Kamichi n’umukunzi we ntibyashyizwe mu itangazamakuru ndetse no ku munsi wo guhana isezerano byamenyeshejwe inshuti za hafi gusa ku mpande zombi.

Kamichi wabwiye IGIHE ko gusezerana imbere y’Imana bizaba kuwa 14 Gashyantare 2019, yumbikanisha ko ‘ubuzima bwe bwahindutse bityo ko atari byiza gusakaza ibyerekeye urugo rwe mu binyamakuru’.

Kamichi yasezeranye imbere y'amategeko kuwa 8 Kamena 2018

Iyo umubajije byinshi ku byerekeye urukundo rwe n’uyu mukobwa ahanini ahita agusaba ko mwaganira ku mishinga mishya ari gukora mu muziki izabimburirwa na album nshya ari gukora abifashijwemo na Producer Lick Lick umufasha muri Momusic.

Kamichi ntiyavuzwe cyane mu nkuru zerekeye urukundo, umukobwa uzwi cyane bakundanye ni Umunyamerikakazi Emely Dubois gusa batandukanye mbere gato y’uko yerekeza muri Amerika.

Kamichi n'umukunzi we bari bafite inseko ku munsi basinyiye urukundo rwabo imbere y'amategeko
Nyuma yo gusezerana imbere y'amategeko barateganya kubitura Imana
Aba bombi bazasezerana imbere y'Imana ku wa 14 Gashyantare 2019

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza