Alyn Sano yashyize hanze indirimbo yakoze nk’impano y’abakundana bitegura ‘Saint Valentin’

Yanditswe na Uwiduhaye Theos
Kuya 6 Gashyantare 2021 saa 07:21
Yasuwe :
0 0

Umuhanzikazi Shengero Aline Sano [Alyn Sano] uri mu bari kwigaragaza cyane mu muziki nyarwanda, yashyize hanze indirimbo nshya yise ‘Urwo Ngukunda’ yakoreye abitegura umunsi w’abakundana uteganyijwe ku wa 14 Gashyantare.

Iyi ndirimbo yagiye hanze ku gicamunsi cyo kuri uyu wa Gatanu tariki 5 Gashyantare 2021.

Muri iyo ndirimbo hari aho avuga ati “Hari igihe umuntu abura uko agira, agahitamo ibikumukundiye, akabaho ubuzima bwe bwose azi neza ko ari amaburakindi. Njye narahiriwe, kwitwa umukunzi wawe.”

Alyn Sano yabwiye ko IGIHE ko ubwo yakoraga iyi ndirimbo, yashakaga gukora ku marangamutima y’abakundana bitegura umunsi wa ‘Saint Valentin’.

Ati “Iyi ndirimbo ivuga ku mukobwa uba warahiriwe mu rukundo byose bigenda neza ku buryo yumva ariwe unezerewe ku Isi. Nayikoreye abakundana muri iyi minsi yegera Saint Valentin.”

Ku wa 1 Gashyantare 2021, ku munsi ngarukamwaka u Rwanda rwizihirizaho umunsi w’Intwari ndetse kuri iyi nshuro wizihizwaga ku nshuro ya 27, hazirikanwa ibikorwa byaziranze ngo u Rwanda n’Abanyarwanda babeho mu mahoro n’ubwisanzure; Alyn Sano ari mu bahanzi basusurukije abari bakurikiye igitaramo cyabaye kuri uwo munsi.

Icyo gihe yafatanyije na King James, Urukerereza, Army Jazz Band ndetse na Peace Jolis. Yavuze ko kuririmba muri iki gitaramo ku nshuro ye ya mbere ari ikintu gikomeye.

Ati “Kuba naririmbye kuri umwe mu minsi ikomeye mu gihugu ni iby’agaciro cyane. Byanyeretse ko umwuga wanjye ukomeza gutera imbere kandi ko n’ibikorwa byanjye bibonwa na benshi n’ubwo bashobora kuterekana ko babibona.”

Iyi ndirimbo nshya ya Alyn Sano yise ‘Urwo Ngukunda’ iri kuri album y’uyu muhanzikazi yagombaga gushyira hanze uyu mwaka ariko bikaba byaramugoye kubera icyorezo cya COVID-19.

Kuva umwaka ushize uyu mukobwa yashyize hanze izindi ndirimbo zakunzwe zirimo iyo yise ‘For Us’, ‘We the Best’ yahuriyemo na Yvan Buravan, ‘Kontorola’, ‘Perimana’, ‘Joni’ n’izindi.

Alyn Sano avuka ari uwa gatatu mu muryango w’abana batanu. Ahuza amateka n’abandi bahanzi bo mu Rwanda n’ahandi ku Isi bahereye impano yo kuririmba muri korali zo mu nsengero bigakomeza inganzo yabo. Amaze imyaka ine mu muziki.

Reba indirimbo nshya ya Alyn Sano


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .