Kwamamaza

Akiwacu na bagenzi be bahatanira Miss Supranational bakorewe ibirori by’ikaze (Amafoto)

Yanditswe kuya 21-11-2016 saa 09:03' na Munyengabe Murungi Sabin


Abakobwa bagera kuri 80 bahatanira ikamba rya Miss Supranational umwaka wa 2016 bakorewe ibirori byo kubaha ikaze byitwa ‘Polski’ Party byo kubaha ikaze muri Pologne aho bagiye kumara iminsi igera ku icumi.

Aba bakobwa bageze muri Pologne kuwa Gatanu tariki ya 18 Ugushyingo 2016. Akiwacu Colombe ari mu bakobwa bagezeyo mbere, yageze ku kibuga cy’indege ahahurira n’abandi ba Nyampinga bahagarariye ibihugu byabo barimo Miss Indonesia, Miss Malaysia, Miss Denmark, Miss Chile, Miss Rwanda na Miss Guyana.

Miss Akiwacu Colombe na bagenzi be nyuma y’umunsi umwe bageze ahari kubera irushanwa batemberejwe Umujyi wa Warsaw mu gice gishaje banasobanurirwa birambuye amateka n’ibihe by’ingenzi byaranze uyu mujyi.

Nyampinga wa Pologne ni we wari uyoboye itsinda ry’aba bakobwa, ni na we waberekaga ibyiza nyaburanga bigize uyu mujyi no kubasobanurira amateka yihariye ufite. Miss Supranational Stephania Stegman watwaye iri kamba umwaka ushize yaherekeje aba bakobwa mu gihe uwahawe ikamba muri 2014 witwa Asha Bhat yakoraga nk’umunyamakuru.

Akiwacu na bagenzi be baraye bakorewe ibirori bikomeye byitwa ‘Polski’ Party byo kubaha ikaze no kubasobanura birambuye amategeko agenga irushanwa, banakorewe umuhango wo kwambikwa amakamba buri wese ahabwa iriranga igihugu cye.

Nyuma bahise bafata urugendo berekeza ahitwa Slovakia, ni urugendo rurerure uvuye mu Mujyi wa Warsaw kuko bakoresheje amasaha icumi mu modoka. Ku mugoroba wo kuri uyu wa Mbere tariki ya 21 Ugushyingo 2016 aba bakobwa barahura bwa mbere n’akanama nkemurampaka baniyerekane bwa mbere mu mwambaro wo gusohokana.

Nyampinga wa Nigeria wari usigaye ataragera aho irushanwa ribera yahageze akomezanya n’abandi urugendo mu gihe Miss Northern Ireland yagize ikibazo cy’uburwayi ahita asubizwa iwabo.

Nyampinga uhagarariye Sierra Leone we yimwe ibyangombwa byagombaga kumwerera kwinjira muri Pologne ku mpamvu abateguye irushanwa batamenyeshejwe bityo na we akaba yavanwe mu bahatana uyu mwaka.

Akiwacu Colombe na Miss Supranational 2015

Irushanwa rya Miss Supranational ku nshuro yaryo ya munani, rigomba kuzahuza abakobwa barenga 80 bo mu bihugu bitandukanye byo ku Isi harimo n’u Rwanda.

Miss Supranational izasozwa ku itariki ya 2 Ukuboza 2016 ahitwa Krynica-Zdrój muri Pologne [Poland]. Abategura iri rushanwa batangaje ko rizajya ryerekanwa kuri televiziyo mu bihugu 120 byo ku Isi.

Aba bakobwa ubwo bari bamaze gusura Umujyi wa Warsaw bafashe ifoto y'urwibutso
Bacurangiwe umuziki gakondo wo muri Pologne

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved