Abanyarwanda batatu bahataniye ibihembo bya AFRIMMA 2019

Yanditswe na Muvunyi Arsène
Kuya 6 Kanama 2019 saa 04:33
Yasuwe :
0 0

Abahanzi b’abanyarwanda barimo Butera Knowless, The Ben n’umubyinnyi Sherrie Silver batoranyijwe mu bahataniye ibihembo bikomeye bya Afrimma 2019.

All Africa Muzik Magazine [AFRIMMA] ni ibihembo bitangirwa muri leta Zunze Ubumwe za Amerika bigamije gushimira abanyafurika bitwaye neza mu bice bitandukanye bigize uruganda rwa muzika.

Ibi bihembo bigiye gutangwa ku nshuro ya gatandatu biri guhatanirwa n’abanyarwanda batatu.

Butera Knowles ari mu cyiciro cy’abagore bahize abandi mu Karere ka Afurika y’Uburasirazuba, aho ahanganye na Vika, Sheebah Karungi, Rema Namakula na Juliana Kanyomozi bo muri Uganda, Fena Gitu, Akothee na Victoria Kimani bo muri Kenya ndetse na Vanessa Mdee na Nandy bo muri Tanzania .

Mugisha Benjamin uzwi nka The Ben ari mu cyiciro cy’abagabo bahize abandi mu Karere aho ahanganye na Diamond Platnumz, Ali Kiba, Harmonize, Djuma Jux, Rayvanny na Ommy Dimpoz bo muri Tanzania, Eddy Kenzo wo muri Uganda, Nyanshiski na Khaligraph Jones bo muri Kenya.

Umubyinnyi Sherrie Silver yashyizwe mu cyiciro cy’ababyinnyi bahize abandi ku mugabane wa Afurika yose aho ahatanye na Kaffy Dance Queen [Nigeria], The Grove [Angola], Manuel Canza Laurenzo [Angola], Ghetto Triplet Kids [Uganda)] Izzy Odigie [Nigeria] Bajuni [Tanzania Rabbit] Crew 255 [Tanzania] na The Team [Angola].

Mu cyiciro cy’umuhanzi witwaye neza kurusha abandi ku mugabane wa Afurika nta n’ukomoka mu Karere u Rwanda ruherereyemo urimo.

Mu mwaka ushize Knowless, Charly na Nina na Sherrie Silver bari mu bahatanye ariko nta n’umwe wabashije kwegukana intsinzi.

Biteganyijwe ko ibirori byo gutanga ibi bihembo bizaba tariki 26 Ukwakira 2019 mu Mujyi wa Dallas muri Amerika.

Sherrie Silver yamenyekanye mu ndirimbo This is America

Butera Knowless aherutse gushyira hanze indirimbo yitwa Inshuro 1000

The Ben ni undi munyarwanda uhataniye ibihembo


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza