Abanyarwanda batashye amaramasa mu bihembo bya Afrimma

Yanditswe na Uwiduhaye Theos
Kuya 9 Ukwakira 2018 saa 08:22
Yasuwe :
0 0

Nta munyarwanda muri batatu bahataniraga ibihembo bya Afrimma wagize amahirwe yo kwegukana na kimwe, bikomeza amateka y’uko nta n’umwe uregukana ibi bihembo kuva byatangira gutangwa mu 2012.

Charly na Nina na Butera Knowless bari bahatanye mu cyiciro cy’abagore bo muri Afurika y’Uburasirazuba bitwaye neza muri muzika. Umunyarwanda w’umubyinnyi Sherrie Silver yahatanaga mu cyiciro cy’abayoboye imbyino.

Charly na Nina na Butera Knowless bari mu cyiciro kimwe na Victoria Kimani (Kenya), Vanessa Mdee (Tanzania), Leyla Kayondo (Uganda), Rema (Uganda), Akothee (Kenya), Nandy (Tanzania), Sheebah Karungi (Uganda) na Juliana Kanyomozi (Uganda).

Sheebah Karungi ni we wegukanye iki gihembo cyatangiwe muri Leta Zunze Ubumwe za Amerika, mu Mujyi wa Dallas i Texas.

Sherrie Silver nawe yari mu cyiciro cy’abayoboye imbyino bitwaye neza muri Afurika biturutse ku ndirimbo yagaragayemo ya Childish Gambino yitwa ‘This is America’.

Ntiyahiriwe kuko igihembo cyahawe Didi Emah ukomoka muri Nigeria.

Abandi bahanzi bo mu karere begukanye ibihembo ni Eddy Kenzo wegukanye icy’umugabo witwaye neza ukomoka muri Afurika y’Uburasirazuba na Ykee Benda watwaye icy’umuhanzi ukizamuka witwaye neza.

Khaligraph Jones ukomoka muri Kenya yahigitse abandi bahanzi mu njyana ya Hip Hop muri Afurika yegukana igihembo cy’ukora ariwe uhagaze neza ku mugabane.

Papa Dennis nawe yegukanye igihembo mu bakora indirimbo zihimbaza Imana n’aho Fally Ipupa yegukana icy’umuhanzi wo muri Afurika yo hagati witwaye neza.

Abahanzi bo muri Tanzania barimo Diamond, Harmonize, Vanessa Mdee n’abandi ntibabashije kwitwara neza mu byiciro bahatanagamo.

Ibi bihembo bya AFRIMMA [Africa Muzik Magazine Awards] byatanzwe ku cyumweru gishize tariki 7 Ukwakira bitegurwa n’abanyafurika baba muri Amerika bigamije guhemba abahanzi bakorera umuziki mu bihugu byabo no hanze yabyo.

Iby’uyu mwaka byatangwaga ku nshuro ya gatanu, byari mu byiciro 18.

Butera Knowless yongeye kubura iki gihembo bwa kabiri
Charly na Nina nabo ntibabashije kwitwara neza ngo begukane igihembo
Sheebah Karungi ari mu bahanzi bakomeye mu karere begukanye ibihembo
Sheebah Karungi yanikiye abandi bagore bari bahatanye nawe muri Afrimma barimo n’abo mu Rwanda
Sherrie Silver nawe ntiyahiriwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza