Abakozi b’akabari ka Oprah Uwoya wahoze ari umugore wa Katauti bigaragambije karafungwa

Yanditswe na IGIHE
Kuya 16 Gashyantare 2018 saa 12:43
Yasuwe :
0 0

Itsinda ry’abakozi bakoraga mu kabari ka Irene Uwoya wahoze ari umugore wa Ndikumana Katauti, bigaragambije banga gukora karafungwa, baarashinja uyu mugore ubwambuzi.

Ikinyamakuru Global Publishers cyatangaje ko akabari ka Irene Uwoya Oprah ubu kafunze imiryango nyuma y’uko abakozi bako b’imena batanu banze gukomeza gukora ku bw’ibirarane by’imishahara batishyuwe.

Aka kabari kazwi nka ‘Last Minutes’ gaherereye mu gace kitwa Magomeni i Dar es Salaam. Umwe mu bakozi ba Oprah Uwoya, yabwiye iki kinyamakuru ko akabari kafunze imiryango biturutse ku kibazo cy’imishahara imaze amezi atatu idahabwa abakozi.

Uyu mugabo wanze ko amazina ye atangazwa yagize ati “Mu by’ukuri umuntu ufite ubumuntu ntiyagakwiye kureka abandi ngo babeho bateseka kandi umuntu aba yarakoze ukwezi kose adahembwa. Muri iyi minsi ubuzima buragoye ariko hari igihe kwihangana byanga.”

Yongeyeho ko we na bagenzi be bari bamaze igihe kinini babwirwa ko bazahabwa umushahara ‘ejo’ ikintu bavuga ko cyari kimaze kuba indirimbo yarambiranye. Aba bakozi bahisemo kwigaragambya banga gukora gusa ngo nyirabuja yahisemo gufunga akabari.

Yagize ati “Muri iyi minsi akazi karabuze ariko na none hari igihe biba ngombwa akazi ukakavamo, iki ni ikibazo gikomeye cyane.”

Mariam Ismail ‘Mama Kubwa’ wacungaga inyungu z’akabari ka Oprah Uwoya, yavuze ko abakozi batanze ayo makuru ari abafitanye ikibazo na nyirabuja ndetse yashimangiye ko bahisemo gufunga atari ikibazo cy’imishahara ahubwo ngo ‘bari kwagura ibyicaro by’abakiriya’.

Irene Uwoya yahoze ari umugore wa Katauti, ubu ari kumwe na Dogo Janja uririmba

Yagize ati “Ukuri ni uko twafunze kubera ko turi kuvugurura, turi kongera ahantu ku ko hari hamaze kuba hato, abakiriya barazaga bakabura aho bicara. Ibyo ntabwo ari byo, uwavuze ibyo dufitanye ikibazo na we. Uwo ni we uri gukwirakwiza ayo makuru, ikiriho ni uko turi kuvugurura.”

Irene Uwoya[usigaye witwa Sheilla], amaze igihe gito arushinganye n’umuraperi Dogo Janja ndetse hari amakuru amaze iminsi avuga ko yasamye bitegura umwana wa mbere.

Irene Uwoya azumvikana mu ndirimbo nshya ya Dogo Janja

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza