00:00:00 IGIHE NETWORK KN KINYARWANDA EN ENGLISH FR FRANCAIS

Abakobwa 10 bagiye gutoranywamo Miss Global Beauty Rwanda (Amafoto)

Yanditswe na Uwiduhaye Theos
Kuya 21 Kamena 2021 saa 08:28
Yasuwe :
0 0

Abakobwa 10 bageze mu cyiciro cya nyuma cya Miss Global Beauty Rwanda 2021, bagiye gutoranywamo abazahiga abandi bakegukana amakamba azatuma bahagararira igihugu mu marushanwa atandukanye.

Aba bakobwa batoranyijwe n’akamana nkemurampaka barimo Gretta Iwacu, Landrine Gisagara Uwicyeza, Irera Queen Isabella, Diane Bayizere , Ingabire Grace , Stella Matutina, Clémentine Uwimana , Dorinema Queen, Honorine Uwase na Rutayisire Cynthia.

Aba bakobwa batangajwe nyuma yo gukurwa mu bandi 22 bari batoranyijwe muri 33 batangiye bari muri iri rushanwa rya Miss Global Beauty Rwanda 2021.

Abazaba bagize akanama nkemurampaka nko ku munsi wa nyuma barimo Umuhindekazi Dr. Tejaswini Manogna wabaye Miss Earth India mu 2019; Umunya-Peru Andrea Luna ufite ikamba rya Miss Globe 2020, Umurusiyakazi Anastasia Lebediuk wabaye World Next Top Model, Barbara Reis ukomoka muri Brésil wabaye Miss Supranational America 2018 n’Umunya-Romania Bianca Paduraru ufite ikamba rya Miss Tourism Global 2018 n’andi makamba atandukanye y’ubwiza.

Ndekwe Paulette wabaye igisonga cya kane cya Miss Global World mu 2020 uri mu bahagarariye sosiyete ya Embrace Africa mu Rwanda, yabwiye IGIHE ko aba bakobwa uretse umwe watowe kubera amajwi yari afite mu itora ryo kuri internet abandi batoranyijwe hagandewe mu bintu bitandukanye.
Ati “Gretta Iwacu yatambutse kubera amajwi menshi yari afite mu itora ryakozwe kuri internet abandi batoranyijwe hakurikijwe uko bitwaye n’ibindi bitandukanye.”

Aba bakobwa bazambikwa amakamba yabo mu birori byo gutangaza abahize abandi bazaserukira igihugu, bazajya mu marushanwa y’ubwiza arimo Miss Tourism Global rizabera mu Bushimwa, Miss Africa Golden rizabera muri Turikiya, World Top Model, Miss Tourism World na Miss Glamour Faces World.

Aya makamba azatangwa ku wa 24 Kamena 2021 muri Canal Olympia Rebero aho bazakora iki gikorwa hakurikizwa ingamba zo kwirinda COVID-19.

Abandi baherutse kwambikwa amakamba arimo Miss Talent ryahawe Dushyirehamwe Anne Marie, Miss Popularity ryegukanywe na Umutoniwase Nadia, irya Miss Congeniality ryatwawe na Gretta Iwacu ndetse n’irya Miss Photogenic ryegukanywe na Landrine Gisagara Uwicyeza nabo bazitabira iki gikorwa bayahabwe.

Bayizere Diane ari mu bageze mu cyiciro cya nyuma
Clementine Uwimana waburiye amahirwe muri Miss Rwanda 2021 ari guhatana muri iri rushanwa
Cynthia Rutayisire ari mu bakobwa bari guhatana
Dorinema Queen arashaka rimwe mu makamba ari guhatanirwa muri iri rushanwa
Grace Ingabire witabiriye Miss Supranational 2020 ntahirwe ari mu 10 bari gushakisha amahirwe muri Miss Global Beauty 2021
Gretta Iwacu ari mu bakobwa bakomeje
Honorine Uwase ari mu bari guhatana muri Miss Global Beauty
Landrine Gisagara Uwicyeza ari mu bakobwa bakomeje muri iri rushanwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .