Abahindekazi babyinnye umushayayo muri "Kuch Kuch" yasubiwemo mu Kinyarwanda (Video)

Yanditswe na Muvunyi Arsène
Kuya 20 Nyakanga 2019 saa 11:49
Yasuwe :
0 0

Umuririmbyi w’Umuhinde uba mu Rwanda, Nathan Ross, yashyize hanze indirimbo yitwa Kutch Kutch yasubiwemo ihurizwamo umuco nyarwanda n’uw’Abahinde.

Kuch Kuch Hota Hai ni indirimbo yahimbwe na Jatin-Lalit mu 1998 yifashishijwe muri filime y’urukundo iri mu rurimi rw’igihinde yakunzwe n’abantu benshi ku Isi.

Iyi ndirimbo yasubiwemo n’Umuhinde uba mu Rwanda Nathan Ross ayikorana na Marchal Ujeku umenyerewe mu njyana yo ku Nkombo n’undi mukobwa witwa Mutima.

Iyi ndirimbo yakozwe na Producer Jimmy, iri mu ndimi enye ari zo Ikinyarwanda, Igihinde, Amahavu ururimi ruvugwa ku nkombo n’Igiswahili.

Mu mashusho yayo hahuriyemo kandi imbyino zigaragaza imico y’u Rwanda n’u Buhinde. Harimo Abahindekazi babyina imbyino z’iwabo n’iza kinyarwanda bafatanyije n’itorero ryitwa Imena.

Ikoze mu buryo hagaragaramo ku buryo buhagije umuco nyarwanda n’uw’Abahinde nk’intengo nyamukuru aba bahanzi bari bafite bajya kuyikora.

Mu kiganiro IGIHE yagiranye na Nathan Ross yavuze ko yahisemo gukorana indirimbo na Marchal Ujeku nyuma yo kumubona mu gitaramo agakunda injyana ye yo ku Nkombo.

Ati “Nabonye Marchal aririmba neza, nakunze indirimbo ye yitwa Bombole kandi nabonye akunze guteza imbere umuco nyarwanda imbere y’abanyamahanga benshi, nyuma ndamushaka musaba ko twakorana indirimbo.”

Nathan Ross asanzwe asubiramo indirimbo zitari ize [covers] ariko yavuze ko afite gahunda yo kwinjira mu muziki by’umwuga, akamenyekanisha umuziki w’iwabo mu Rwanda n’uw’abanyarwanda ukamenyekana mu Buhinde.

Marchal Ujeku na Nathan Ross barateganya kuzajya gutaramira mu Buhinde ndetse ashobora kuvayo akoranye indirimbo n’undi witwa Suhail Zargar.

Nathan Ross wakoranye indirimbo n'umuhanzi wo ku Nkombo
Marchal Ujeku yaririmbye Amahavu mu ndirimbo Kuch Kuch
Bambaye imyenda ikoze mu bitenge mu kugaragaza umuco wa Afurika
Abahindekazi babyinnye umushayayo muri iyi ndirimbo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza