Abahanzi baherutse gusinyishwa na Oda Paccy bahuriye mu ndirimbo "Turakundana"

Yanditswe na Nsengiyumva Emmy
Kuya 25 Ukwakira 2019 saa 07:03
Yasuwe :
0 0

Oda Paccy mu minsi ishize yashinze inzu ya muzika yise Empire Record, amaze kwinjizamo abahanzi babiri Alto na Nessa, banamaze gushyira hanze indirimbo yabo ya mbere bahuriyeho yitwa “Turakundana”.

Ni indirimbo y’urukundo ariko yumvikanamo umusore ufite gushidikanya ku mukobwa bakundana bitewe n’ibikorwa bitandukanye agenda amukorera bikamuca intege.

Umukobwa nawe aba ahumuriza umukunzi we ko amukunda nta handi yajya.

Amajwi y’iyi ndirimbo iri mu njyana ya Zouk yatunganyijwe na Junior Multisystem naho amashusho akorwa na Frank Wallet usanzwe ukorera muri Empire Visuals.

Alto ubusanzwe yitwa Dusenge Eric mu gihe Nessa ubusanzwe yitwa Umurerwa Vanessa aba bakaba bahuriye ku kuba baherutse gusinya muri Empire Record.

Nessa yari yaratangiye umuziki mu myaka ishize icyakora aza gucika intege kubera impamvu zinyuranye. Nyuma yo kumva inkuru y’ishingwa rya Empire Record yatangiye ishaka impano nshya z’abana b’abakobwa yarabiyambaje basanze afite impano bahita bamusinyisha.

Nessa yasohoye indirimbo nshya yise “ Tell me” ari nayo aheruka.

Alto niwe muhanzi wa mbere wasinyishijwe muri Empire aza no gushyira hanze indirimbo yise “Uzansaza” ari nayo yaherukaga.

Alto umuhanzi mushya muri Empire Record
Nessa umuhanzikazi mushya muri Empire

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza