Kwamamaza

Abahanzi 9 bazaririmba mu birori bya Rwanda Cultural Day i San Francisco

Yanditswe kuya 14-09-2016 saa 17:37' na Munyengabe Murungi Sabin


Abahanzi bagezweho muri iki gihe mu Rwanda, abo mu cyiciro cy’abakuze n’itorero ry’igihugu batumiwe mu birori bikomeye bizahuza Abanyarwanda mu Mujyi wa San Francisco.

Ku nshuro ya mbere muri Leta ya California mu Mujyi wa San Francisco hateguwe igikorwa gikomeye cya ‘Rwanda Cultural Day’ kizahuza Abanyarwanda n’inshuti zabo bazaba baturutse imihanda yose kuwa 24 Nzeri 2016.

Muri ‘Rwanda Cultural Day’ ibikorwa byinshi bizibanda ku kwibukiranya uburyo umuco nyarwanda wihariye n’akamaro wagize mu guhindura u Rwanda rwiza. Abazitabira iki gikorwa kandi bazigishwa indangagaciro zikwiye kuranga Umunyarwanda n’ibindi bikorwa bitandukanye birimo imyidagaduro n’ubusabane.

Ku rubuga rwa Rwanda Day handitse ko iki gikorwa cya ‘Rwanda Cultural Day’ kizaba kuwa 24 Nzeri 2016, kizabera mu Mujyi wa San Francisco muri Marriott Marquis ahategerejwe abayobozi bakuru b’igihugu.

Mu kiganiro na IGIHE, Masamba Intore umwe mu bahanzi batumiwe i San Francisco yavuze ko ari ishema rikomeye ko kuri iyi nshuro bagiye kwizihiza ibyiza by’umuco nyarwanda binyuze mu nyigisho no mu mbyino zinyuranye mu kwereka amahanga umwihariko u Rwanda rufite.

Ati “Ni ikintu gikomeye cyane, nakunze ko babyise Rwanda Cultural Day, ni ukwizihiza ibyiza by’umuco wacu uduhuje no kugaragaza za ndangagaciro dusanzwe duhuriyeho z’ubunyarwanda. Abahanzi baratumiwe, hari n’abayobozi bazaduha inyigisho n’impanuro nziza mu gukomeza kumva neza ibyiza byo kuba Umunyarwanda ukunda igihugu cye.”

Masamba uherutse gusohora album ya cumi ati "Umuziki ni ubuzima bwanjye, ni umuco nigishijwe, sinzawuhagarika"

Yavuze ko mu bahanzi batumiwe harimo Itorero ry’Igihugu Urukerereza, Teta Diana, Mighty Popo, Muyango, King James, Mariya Yohana na Masamba Intore basanzwe bakorera umuziki mu Rwanda hakiyongeraho Meddy na Alpha Rwirangira basigaye baba muri Leta Zunze Ubumwe za Amerika.

Mariya Yohana umutoza w'Urukerereza
Alpha Rwirangira ufite indirimbo nshya yise 'Yamungu' azaririmba muri iki gikorwa
Mighty Popo umucuranzi ukomeye wa gitari yatumiwe muri Rwanda Cultural Day
Meddy umwe mu bahanzi baharawe muri iki gihe azaririmba muri Rwanda Cultural Day
King James ukunze kwitabira Rwanda Day na we yatumiwe muri iki gikorwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved