Kwamamaza

2Face ategerejwe mu gitaramo i Kigali

Yanditswe kuya 10-09-2016 saa 12:13' na Munyengabe Murungi Sabin


Umuhanzi ukomeye muri Afurika, 2Face Idibia wo muri Nigeria 2Face wamamaye cyane mu ndirimbo ‘African Queen’ agiye kuza gukorera igitaramo mu Mujyi wa Kigali nyuma y’imyaka irenga icumi atahagera.

Yakunzwe bikomeye mu myaka yashize mu ndirimbo ‘African Queen’, ‘No Shaking’, ‘Implication’ n’izindi. 2Face w’imyaka 40 yemeje ko agiye kuza mu Mujyi wa Kigali aho azakorera igitaramo ku itariki ya 23 Nzeri 2016.

Yashyize hanze video avuga ko yiteguye urugendo azagirira mu Rwanda ndetse asaba abafana be kuzaza kwifatanya na we mu gitaramo azakorera muri Serena Hotel Kigali.

Yagize ati “Muraho Rwanda, uyu ni Tu Baba a.k.a 2Face Idibia, nzaba ndi i Kigali mu Rwanda ku itariki ya 23 Nzeri kuri Serena Hotel […] Mwese muzaze twishime. Murakoze cyane.”

Innocent Ujah Idibia[usigaye wiyita Tu Baba] yaherukaga mu Rwanda mu myaka irenga icumi ishize. Yahaherukaga yitwa 2Face ariko ubu afite izina rishya rya Tu Baba.

2Face yavutse mu 1975, ahitwa Jos muri Leta ya Plateau muri Nigeria), benshi bamumenye nka 2face Idibia. Ni umuhanzi, umwanditsi w’indirimbo akaba na Producer. Ni umwe mu bahanzi bafite ibihembo byinshi muri Nigeria.

Yegukanye igihembo cya MTV Europe Music Award, icya World Music Award, bitanu bya Headies Awards (Hip-hop award), bine bya Channel O Music Video Awards , kimwe cya BET award , bine bya MTV Africa Music Awards, kimwe muri MOBO award, KORA award imwe n’ibindi byinshi bitari ku rwego mpuzamahanga.

Indirimbo za 2Face zakunzwe cyane:

- "African Queen"
- "No Shaking"
- "See Me So"
- "4 Instance"
- "Enter the Place" (ft Sound Sultan)
- "Implication"
- "Only Me"
- "Rainbow"
- "True Love"
- "omo t"osan"

Albums amaze gukora:

- 2004: Face 2 Face
- 2006: Grass 2 Grace
- 2008: The Unstoppable
- 2010: The Unstoppable International Edition
- 2012: Away & Beyond
- 2014: The Ascension

2Face yari amaze imyaka myinshi atagera mu Rwanda

2Face aherutse gukorana indirimbo na Sauti Sol


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 30 Ugushyingo 2016
Copyright © 2009 -2014 - IGIHE Ltd - All Rights Reserved