00:00:00 IGIHE NETWORK KN KINYARWANDA EN ENGLISH FR FRANCAIS

Korali Agape y’i Nyarugenge yasohoye indirimbo nshya yise ‘Ukuboko Kwiza’

Yanditswe na IGIHE
Kuya 5 Ugushyingo 2021 saa 08:23
Yasuwe :
0 0

Korali Agape ikorera umurimo w’ivugabutumwa muri ADEPR Nyarugenge yasohoye indirimbo nshya yise “Ukuboko kwiza” igusha ku butumwa bushimangira ko Imana ikwiye kugira umwanya ukomeye mu buzima bwa muntu.

Iyi korali yakunzwe indirimbo zitandukanye zirimo “Abasirikare”, “Waramamaye”, “Gucungurwa”, “Dawidi”, “Turayisenga ikumva” n’izindi.

Indirimbo yayo nshya yise “Ukuboko kwiza” imara iminota itanu n’amasegonda 52. Korali Agape yayikoze ishaka gusangiza abakunzi b’umusaraba no kubibutse imbaraga ziri mu kwizera Imana yo ifite ububasha bwo gukora n’ibidashoboka.

Umutoza w’Indirimbo muri Korali Agape, Manishimwe Joshua, yabwiye IGIHE ko indirimbo yabo ivuga ku ku mirimo yukuboko kw’Imana mu buzima bw’abantu.

Yagize ati “Ni indirimbo itaka ubumana, ivuga n’ubushobozi bw’Imana. Twashatse kuvuga ko mu buzima tubamo hari igihe umuntu ahura n’ibibazo byinshi ariko hakaba igihe abivuyemo. Icyo gihe avuga ko hari ukuboko kutagaragara kuba mu buzima bwacu, ko Imana yadukijije ibintu byaguhigaga.’’

Korali Agape yari imaze igihe idashyira hanze ibihangano byinshi kuri ubu yijeje gukomeza gushyira hanze ibihangano bihembura imitima y’abemeramana.

Manishimwe yakomeje ati “Turateganya gukomeza gukora izindi ndirimbo no gukora ibitaramo bitandukanye. Hari ibyo tuzafatiramo indirimbo no gutaramana n’abakunzi bacu.’’

Korali Agape yatangiye ari itsinda ry’ivugabutumwa, yashinzwe mu 1997 ariko iza kuba korali yemewe mu itorero, inatangira gusakaza ubutumwa bwiza hanze yaryo mu 2001.

Izina ryayo ‘Agape’ risobanura ‘urukundo’, ijambo ribumbatiye impamvu yatumye Yesu yitangira abatuye Isi akabacungura n’uko bakwiye kubana na bagenzi babo.

Muri kurihitamo icyo gihe bari “abantu bari bakundanye cyane, biza gutuma dufata iryo zina.’’

Korali Agape imaze imyaka isaga 24 mu ivugabutumwa. Igizwe n’abaririmbyi bageze ku 100 barimo abakiyirimo, abagiye gushakira ubuzima hanze y’igihugu ndetse n’abaterankunga batandukanye mu mpande zose z’Isi.

Korali Agape imaze gukora album eshatu z’amajwi zirimo “Nakuvaho nkajya he”, “Yesu waramamaye” no “Gucungurwa kwacu’’ ndetse iritegura no kumurika iya kane mu bihe biri imbere. Bafite album imwe y’amashusho, haritegurwa iya kabiri.

Usibye ivugabutumwa rinyuze mu ndirimbo, mu bihe bitandukanye Korali Agape itanga umusanzu wayo mu gufasha abatishoboye, gusura abarwayi n’ibindi.

Korali Agape yo muri ADEPR Nyarugenge yasohoye indirimbo nshya yise "Ukuboko Kwiza"
Yakunzwe mu ndirimbo zitandukanye zirimo “Abasirikare”, “Waramamaye”, “Gucungurwa”, “Dawidi”, “Turayisenga ikumva” n’izindi
Korali Agape imaze imyaka 24 ikora ivugabutumwa rinyuze mu ndirimbo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .