00:00:00 IGIHE NETWORK KN KINYARWANDA EN ENGLISH FR FRANCAIS

Iwacu Muzika: Serge Iyamuremye yavuze impamvu yashikamye ku muziki wo kuramya Imana (Amafoto)

Yanditswe na Uwiduhaye Theos
Kuya 31 Ukwakira 2021 saa 12:23
Yasuwe :
0 0

Umuhanzi Serge Iyamuremye wamenyekanye mu ndirimbo zo kuramya no guhimbaza Imana, yataramiye abakurikiye igitaramo cya Iwacu Muzika Festival nyuma ya Israel Mbonyi na Aline Gahongayire baherukaga bo muri iki cyiciro cy’abaririmba indirimbo zo guhimbaza Imana.

Iri serukiramuco riri kuba ku nshuro ya gatatu, ryanyuze kuri Televiziyo y’u Rwanda mu rwego rwo kwirinda ikwirakwira ry’icyorezo cya Covid-19.

Serge Iyamuremye yabanje kuganirizwa n’umunyamakuru akaba n’umushyushyarugamba Luckman Nzeyimana uzwi nka Lucky. Yamubajije uburyo yasobanura umuziki we wo kuramya no guhimbaza Imana mu Rwanda.

Mu gusubiza undi ati “Nta kindi kintu nigeze nkora uretse umuziki wo kuramya no guhimbaza Imana guhera mu 2012. Umuziki w’icyo gihe n’ubu biratandukanye. Mbere wajyaga kuririmba ahantu bakaguha amazi yo kunywa ariko ubu biratandukanye. Ibintu ntibikiri nka mbere. Amafaranga ari kuza buhoro buhoro mu muziki wo kuramya Imana.”

Uyu muhanzi yanavuze ko impamvu yashikamye ku gukora umuziki wo kuramya Imana ari ukugira ngo abantu bakomeze kwizera Imana no kuyigandukira.

Ati “Intego yanjye; ni ukugira ngo abantu bizere ibyo turirimba, ibyo tuvuga n’ibyo tubabwiriza kuko twizera ko ari ukuri. Ntabwo nkuze cyane nakagombye kuba ndi ahandi hantu, kuba nariyemeje gutanga ubutumwa muri ubu buryo ni uko mbona hari ikintu bihindura mu buzima bwanjye.”

Yahise aririmba indirimbo zitandukanye zirimo ‘Biramvura’, ‘Amashimwe’, ‘Nta wundi nambaza’, ‘Yesu agarutse’, ‘Arampagije’ n’izindi zitandukanye.

Yabaye uwa 17 waririmbye muri Iwacu Muzika Festival 2021. Yaje akurikira abandi barimo Platini P, Masamba Intore na Mariya Yohana bafatanyije na RDF Military Band, Mani Martin, Cyusa Ibrahim, Peace Jolis, Naason na Edouce Softman, Bruce Melodie, Israel Mbonyi, Bushali na Aime Bluestone, Yverry , igitaramo cyo kunamira cyo kunamira Jay Polly, Marina na Calvin Mbanda, Makanyaga , Niyo Bosco na Symphony Band ndetse na Uncle Austin.

Hari kandi abandi barimo Riderman, Social Mula ndetse na Aline Ngahongayire.

Serge Iyamuremye amaze igihe kinini aririmba indirimbo zo guhimbaza Imana
Bamwe mu bafashije uyu muhanzi ku rubyiniro
Byari ibyishimo ku bafashije Serge Iyamuremye muri iri serukiramuco
Serge Iyamuremye ni uku yaserutse ku rubyiniro
Serge Iyamuremye ni umwe mu bahanzi bamaze igihe kinini baririmba indirimbo zo guhimbaza Imana
Serge Iyamuremye yabaye umuhanzi wa 17 waririmbye muri Iwacu Muzika
Iyamuremye yavuze ko yashikamye ku muziki wo guhimbaza Imana kuko umufasha gutanga ubutumwa bwiza
Umuziki wanyuze abamufashaga kuririmba barafashwa
Uyu muhanzi yavuze ko impamvu yashikamye ku gukora umuziki wo kuramya Imana ari ukugira ngo abantu bakomeze kwizera Imana no kuyigandukira

Amafoto: BJC/ East African Promoters(EAP)


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .