00:00:00 IGIHE NETWORK KN KINYARWANDA EN ENGLISH FR FRANCAIS

Imvano y’indirimbo Ismael na Bosco Nshuti bashyize hanze bavuga ku bwihebe bwugarije abatuye Isi

Yanditswe na Rosine Ingabire
Kuya 7 Ugushyingo 2021 saa 09:57
Yasuwe :
0 0

Umuhanzi Bimenyimana Ismael na Bosco Nshuti bashyize hanze indirimbo “Bizaba ari Umunezero’’ bakomoye ku kwiheba abantu bafite kubera ibibazo bibugarije, byiganjemo ibyatewe n’icyorezo cya Covid-19.

Iyi ndirimbo Bimenyimana avuga ko bayihimbye bagendeye ku magambo aboneka muri Bibiliya avuga ko Imana “Izahanagura amarira yose ku maso yabo kandi urupfu ntiruzabaho ukundi. Umuborogo cyangwa gutaka cyangwa kuribwa ntibizabaho ukundi kuko ibya mbere bishize.”

Yavuze ko iyi ndirimbo igamije kwibutsa abantu ko nubwo hari ibibazo bidasanzwe bahura nabyo mu Isi, hari igihe bizashira bakabaho mu munezero.

Ati “Twayikoze twibutsa abantu ko dufite ahandi hantu twateguriwe tuzaba mu munezero udashira, tuyikora kuko twabonye abantu benshi bitewe n’ibihe bikomeye bagiye banyuramo, abenshi bahagarikiwe akazi abandi babura ababo kubera Covid-19.”

“Twifuza guhumuriza abantu tubabwira ngo nubwo bimeze bityo dufite ikindi gihugu tuzabamo mu munezero udashira”.

Bimenyimana kandi yishimira kuba yarabashije gukabya inzozi, agakorana iyo ndirimbo na Bosco Nshuti usanzwe amenyerewe mu ndirimbo zo guhimbaza Imana.

Ati “Gukorana na Bosco umurimo w’Imana byabaye igitangaza. Nabifashe nk’ikintu gikomeye cyane kuko nahoraga nsenga nsaba Imana ko yazabinkorera ariko kuko byari mu mugambi wayo ibikora neza mu buryo bwayo.”

Bimenyimana Ismael amaze gushyira hanze indirimbo eshatu zirimo "Niwe Gusa", "Bizaba ari Umunezero" n’indirimbo ya 88 mu zo Gushimisha Imana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .