UTB VC yegukanye igikombe bwa mbere ikina shampiyona y’Abagore (Amafoto)

Yanditswe na Eric Tony Ukurikiyimfura
Kuya 17 Kamena 2019 saa 10:03
Yasuwe :
0 0

Ikipe ya UTB VC y’abagore yaraye ikoze amateka yo kwegukana igikombe cya shampiyona mu mwaka wayo wa mbere mu cyiciro cya bemre, nyuma yo gutsinda RRA VC amaseti 3-2 mu mukino wa nyuma wa kabiri wahuje amakipe yombi kuri iki Cyumweru.

UTB VC yari yanatsinze umukino wa mbere, yakiriwe na RRA VC ifite igikombe cya shampiyona giheruka mu mukino wa kabiri wabereye muri Peti Stade i Remera.

Iyi kipe yashinzwe muri uyu mwaka igahita iza mu cyiciro cya mbere, yatsinze iseti ya mbere kuri 25-17, RRA itsinda iya kabiri kuri 25-23 mu gihe UTB VC yatsinze iya gatatu kuri 25-16.

RRA VC yongeye gutsinda iseti ya kane kuri 25-14 biba ngombwa ko hitabazwa iseti ya gatanu ya seoul maze itsindwa na RRA kuri 15-8 ndetse yegukana igikombe itsinze uyu mukino wa kabiri ku maseti 3-2 (17-25, 25-23, 16-25, 25-14, 8-15).

Abakinnyi bahembwe nk’abitwaye neza muri uyu mwaka w’imikino ni Shallom Amito wa UTB VC, Igihozo Yvette wa UTB VC, Nzayisenga Charlotte wa UTB VC, Uwamahoro Betty wa RRA VC na Mukantambara Séraphine wa RRA VC mu gihe Mukandayisenga Benita yabaye umukinnyi w’umwaka.

UTB VC na RRA VC zasoreje shampiyona mu myanya ibiri ya mbere mu gihe umwanya wa gatatu wegukanywe na APR VC yatsinze KVC.

Mu bagabo, shampiyona yegukanwe na REG VC yatwaye igikombe cya mbere mu myaka itatu imaze mu cyiciro cya mbere nyuma yo gutsinda Gisagara VC imikino 2-1. UTB VC yegukanye umwanya wa gatatu itsinze IPRC Ngoma imikino 2-0.

RRA VC na UTB VC zahuriye ku mukino wa nyuma muri Playoffs za shampiyona y'uyu mwaka mu bagore
RRA VC yari yatsinzwe umukino wa mbere, yakiriye uwa kabiri kuri iki Cyumweru
Abakinnyi ba UTB VC bishimira kuyobora umukino
RRA VC yari yazamuye urwego kuri iki Cyumweru ariko itsindirwa kuri seoul
Mukandayisenga Benita yabaye umukinnyi w'umwaka
Abakinnyi bitwaye neza kurusha abandi bashimiwe
Byari ibyishimo ubwo UTB VC yegukanaga igikombe cya shampiyona mu mwaka wayo wa mbere kuva ishinzwe

Amafoto: Ntare Julius


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza