UTB VC yatsinze Kirehe VC ya nyuma, REG VC ifata umwanya wa mbere (Amafoto)

Yanditswe na Eric Tony Ukurikiyimfura
Kuya 1 Ukuboza 2019 saa 05:44
Yasuwe :
0 0

UTB VC yatsinze Kirehe VC amaseti 3-1 (21-25, 25-19, 20-25 na 20-25) mu mukino w’umunsi wa gatatu wa Shampiyona y’icyiro cya mbere ya Volleyball (Serie A) wabereye mu karere ka Kirehe kuri uyu wa Gatandatu.

Wari umukino wa kabiri iyi kipe itsinze nyuma yo gutsinda IPRC Ngoma ku munsi wa mbere wa Shampiyona no gutsindwa na REG VC ku munsi wa kabiri.

UTB VC yatsinze iseti ya mbere ku manota 21 ya Kirehe VC ndetse n’iya kabiri ku manota 19. Iyi kipe yo mu Burasirazuba yatsinze iya gatatu ku manota 20 ya UTB, ariko inanirwa gutsinda iya kane yashoboraga kuyigarura mu mukino.

Mu yindi mikino yabaye, REG VC yafashe umwanya wa mbere itsinze IPRC Ngoma VC amaseti 3-0.

REG VC yakinaga umukino wa gatatu yari yasuyemo IPRC Ngoma VC, yatsinze iseti ya mbere ku manota 25-21, itsinda iya kabiri ku manota 28-26 ndetse n’iya gatatu ku manota 25-21.

Yabaye intsinzi ya gatatu yikurikiranya kuri iyi kipe ifite igikombe cya shampiyona iheruka ya 2018-2019 nyuma yo gutsinda APR VC na UTB VC mu mikino ibiri ibanza.

APR VC yatunguranye itsinda Gisagara VC amaseti 3-1 (19-25, 25-23, 25- 20 na 25-15).

Nyuma y’iyi mikino y’umunsi wa gatatu, REG VC irayoboye n’amanota 8, ikurikirwa na Gisagara VC, UTB VC na APR VC zose zinganya amanota atandatu, IPRC Ngoma VC ni ya gatan n’inota rimwe naho Kirehe VC ni ya nyuma (ya gatandatu) nta nota ifite.

Abakinnyi n'abatoza ba Kirehe VC yari yakiriye uyu mukino
Ikipe ya UTB VC
Umukino wari witabiriwe n'abatari bake
Sibomana Madison mu kirere atera umupira
Kirehe VC yashakaga uko yatsinda umukino wa mbere ariko birayangira
Bagirishya Jean de Dieu (Jado Castar) areba uko abakinnyi be ba Kirehe VC bitwara
UTB VC yakuye intsinzi i Kirehe

Nuwamanya Amon


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza