REG na APR VC mu makipe 26 azitabira Shampiyona Nyafurika

Yanditswe na Eric Tony Ukurikiyimfura
Kuya 21 Werurwe 2021 saa 03:07
Yasuwe :
0 0

APR VC ifite igikombe cya Shampiyona y’u Rwanda giheruka, na REG VC yatwaye icyabanje, zombi ziri mu makipe 26 yiyandikishije ngo azitabire Shampiyona Nyafurika ya Volleyball izabera i Sousse muri Tunisia hagati ya tariki ya 16 n’iya 28 Mata.

Iri rushanwa ryitabirwa n’amakipe yabaye aya mbere iwayo muri Volleyball muri Afurika, ntiryabaye mu 2020 kubera icyorezo cya COVID-19 cyibasiye Isi.

Impuzamashyirahamwe y’Umukino wa Volleyball muri Afurika, CAVB, yatangaje ko amakipe 26 ari yo amaze kwiyandikisha.

APR VC yaherukaga gukina iyi shampiyona mu 2015, aho yasoreje ku mwanya wa gatandatu muri iryo rushanwa ryari ryabereye i Sousse muri Tunisia, biteganyijwe ko izatangira umwiherero ku wa Mbere tariki ya 22 Werurwe.

Kuri REG VC izaba yitabiriye iri rushanwa bwa mbere, yo imaze hafi iminsi 10 itangiye umwiherero n’imyitozo.

Mu bagore, u Rwanda ruzahagararirwa na UTB na APR WVC. Impuzamashyirahamwe y’Umukino wa Volleyball muri Afurika, CAVB, yatangaje ko irushanwa rizabera i Sousse hagati ya tariki ya 16 n’iya 28 Gicurasi 2020.

Amakipe 26 yiyandikishije mu bagabo: Sfax na Esperance (Tunisia), Nemostars (Uganda), Wolaita Dicha, Madda Walabu University na Mugher Cement (Ethiopia), FAP (Cameroon), Ahly Tripoli, Ittihad Misurata na Swehly (Libya), VC Price, Espoir na Police (RDC), Amel Tlemcen, Bourj Bouarirj (Algeria), Rukinzo (Burundi), Nigeria Customs, Rwanda Energy Group, APR (Rwanda), Kenya Ports Authority, GSU, Prisons (Kenya), University of Zimbabwe, JKT, Jeshi Stars na Afunzo (Tanzania).

REG VC izitabira Shampiyona Nyafurik ya Volleyball ku nshuro ya mbere, imaze iminsi itangiye umwiherero
REG VC na APR VC ni zo zizahagararira u Rwanda mu bagabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .