00:00:00 IGIHE NETWORK KN KINYARWANDA EN ENGLISH FR FRANCAIS

Abangavu b’u Rwanda bateye mpaga, basoreza ku mwanya wa 15 mu Gikombe cy’Isi

Yanditswe na Eric Tony Ukurikiyimfura
Kuya 18 Nyakanga 2021 saa 10:10
Yasuwe :
0 0

Ikipe y’Igihugu ya Volleyball y’Abakobwa batarengeje imyaka 20, yasoje iri ku mwanya wa 15 mu Gikombe cy’Isi kimaze iminsi kibera mu Buholandi no mu Bubiligi, nyuma y’uko yateye mpaga Puerto Rico itaritabiriye irushanwa kubera COVID-19.

Kuri iki Cyumweru, tariki ya 18 Nyakanga 2021, ni bwo hasozwa Igikombe cy’Isi cya Volleyball cyahuje amakipe y’abakobwa batarengeje imyaka 20, kibera mu Bubiligi no mu Buholandi kuva ku wa Gatanu w’icyumweru gishize.

U Rwanda rwaraye rutsinzwe n’u Bubiligi amaseti 3-0 (14-25,13-25, 13-25) mu guhatanira imyanya ine ya nyuma, kuva ku wa 13 kugeza ku wa 16.

Gutsindwa uyu mukino byatumye u Rwanda rwisanga mu guhatanira imyanya ibiri ya nyuma, aho rwari guhura na Puerto Rico kuri iki Cyumweru.

Gusa, uyu mukino ntukibaye kuko Puerto Rico yatewe mpaga kuko itigeze yitabira iri rushanwa kubera COVID-19 ndetse bivuze ko u Rwanda rwasoreje ku mwanya wa 15 rudakinnye.

Ubwo Ikipe y’Igihugu y’u Rwanda yaherukaga kwitabira Igikombe cy’Isi cyabereye muri Mexique mu 2019, yari yabaye iya nyuma (16).

Misiri byari byakurikiranye mu mya kabiri ishize, yo irakina na Argentine bihataniye umwanya wa 11 n’uwa 12 nyuma y’uko yatsinzwe na Turikiya amaseti 3-1 ku wa Gatandatu.

Ikipe y'Igihugu y'Abangavu yaraye itsinzwe n'u Bubiligi yisanga mu guhatanira imyanya ibiri ya nyuma
U Rwanda rwasoreje ku mwanya wa 15 nyuma yo gutera mpaga Puerto Rico

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .