Uko wakubaka umubiri, ukagabanya umubyibuho mu buryo bwihuse

Yanditswe na IGIHE
Kuya 19 Ukwakira 2017 saa 06:58
Yasuwe :
0 0

Kuvuga ko nta mwanya ni urwitwazo rwa benshi mu bagira ubute bwo gukora umyitozo ngororamubiri. Nyamara abahanga bagaragaza ko bitari ngombwa kumara amasaha menshi umuntu yiruka cyangwa aterura ibiremereye kugira ngo umubiri we ukomere kandi ube wubakitse bya nyabyo. Uzasanga hari abantu bafite ibibahugije cyane mu buzima nyamara bafite umubiri wubakitse kuko bita kuri siporo kandi bagakoresha isaha cyangwa itanagera ku munsi.

Ubushakashatsi bugenda bugaragaza ko imyitozo y’igihe gito ariko ikoranywe umwete ifasha umubiri kumererwa neza no kugabanya ibinure vuba kurusha imyitozo ikoranywe urunebwe igihe kirekire.

Abantu bakora siporo bafite intego zitandukanye zirimo kubyibushya imikaya cyangwa kugabanya umubyibuho. Nyamara intego umuntu yaba afite yose, ubusanzwe abasha kuyigeraho mu gihe cy’amezi atatu gusa aramutse akoze imyitozo ubudasiba kandi agakurikiza inama ahabwa ku bijyanye n’imirire.

Ikinyamakuru The Huffington Post gitangaza ko bisaba guhozaho mu gukora imyitozo no kuyikorana imbaraga nyinshi kugira ngo umuntu agere ku ntego yihaye.

Nubwo bimeze bityo ariko, guhozaho mu gukora imyitozo si uguhora ukora ubwoko bumwe nko gukoresha imashini muri ‘gym’ kuko bitera kubirambirwa ndetse bikaba byagirira umumaro igice kimwe cy’umubiri naho ibindi bigasigara inyuma. Bityo, guhindagura imyitozo umuntu akora ni ingenzi nk’uko Elina Bamulanje, umuhanga muri serivisi zo kwita ku mubiri (spa services) akaba ashinzwe serivisi zo kwidagadura muri Kigali Marriott Hotel abisobanura.

Bamulanje yabwiye IGIHE ko Kigali Marriott yabonye ko biba ngombwa guhinduranya mu gihe umuntu yiyemeje gukora siporo maze itangiza uburyo bwo guhuriza abantu hamwe bagakora siporo zitandukanye buri munsi (fitness classes).

Yagize ati “Abantu benshi bararambirwa bagacika intege iyo bahora mu bintu bimwe nko ku mashini za gym. Mu kurwanya ibyo rero twatangije fitness classes (ibyiciro bya siporo) mu rwego rwo kurinda abantu kurambirwa maze bagakomeza kubaka umubiri uko babyifuza.”

Yongeyeho ko ubu buryo bufasha kwizihira abakora siporo kuko bahura ari benshi kandi bagakuramo inyungu nyinshi ku buzima bwabo harimo guca ukubiri n’amavunane, kurwanya umubyibuho kandi umuntu akagira imbaraga igihe cyose ku buryo adapfa kunanizwa n’akazi cyangwa urugendo.

Fitness classes za Kigali Marriott zirimo iyitwa Outdoor Fitness, Aqua Aerobics na Vigor zikaba zikorerwa hanze no mu mazi mu masaha y’umugoroba kuva ku wa Kabiri kugeza ku wa Gatanu.

Nubwo umuntu ashobora guhitamo imwe muri izi eshatu cyangwa akazitabira zose, Bamulanje avuga ko iyo bifatanyijwe na serivisi zindi zo kugorora umubiri mu buryo buhoraho birushaho kugira umumaro kandi bikoroshya ikiguzi kuko habaho igabanyuka rigera no ku zindi serivise za hotel.

Kigali Marriott ifite ibyuma bitandakanye abantu baterura bagamije kubyibushya imikaya
Umwarimu wa gym muri Kigali Marriott yerekana imikorere y'imashini zifashishwa mu kubyibushya imikaya
Hari imashini nyinshi zifashishwa muri siporo ariko hakenerwa n'izindi siporo zidakoresha imashini kugira ngo abantu batarambirwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza