Ngarambe Yolanda yegukanye amasiganwa abiri muri Canada

Yanditswe na Eric Tony Ukurikiyimfura
Kuya 5 Kanama 2019 saa 08:35
Yasuwe :
0 0

Umunyarwandakazi Ngarambe Yolanda ufite ubwenegihugu bwa Suède, yabaye uwa mbere muri metero 400 no muri metero 1500 mu irushanwa ryo gusiganwa ku maguru rya Classique d’athlétisme de Québec ryabereye mu Mujyi wa Montréal muri Canada mu mpera z’icyumweru gishize.

Ngarambe Yolanda ni umwe mu banyamahanga bitabiriye iri siganwa rihuza ibihangange byo muri Canada, ryakinwe mu byiciro bitandukanye haba mu bagabo no mu bagore.

Ku wa Gatandatu, Ngarambe ukinira ikipe y’imikino ngororamubiri ya Suède mu gusiganwa ku maguru, yabaye uwa mbere mu gusiganwa metero 1500, aho yakoresheje iminota ine, amasegonda arindwi n’ibice 62.

Uwa kabiri muri iki cyiciro yabaye Hufsmith Courtney w’ikipe ya Saskatchewan, we wakoresheje iminota ine, amasegonda icumi n’ibice 25, mu gihe uwa gatatu yabaye Hermansson Hanna wa Suède wakoresheje iminota ine, amasegonda 10 n’ibice 40.

Ngarambe Yolanda yegukanye n’irindi siganwa muri metero 400

Uyu mukobwa w’imyaka 28 yabaye uwa mbere mu gusiganwa ku maguru muri metero 400, aho yakoresheje iminot ibiri, amasegonda abiri n’ibice 27 mu isiganwa ryabaye ku wa Gatatu w’icyumweru gishze.

Uwa kabiri yabaye Sealy Sade w’ikipe ya Barb wakoresheje iminota ibiri, amasegonda abiri n’ibice 80 mu gihe uwa gatatu yabaye Labach Julianna wa STFC wakoresheje iminota ibiri, amasegonda atatu n’ibice 92.

Classique d’athlétisme de Québec ni irushanwa ngororamubiri rya kabiri ryateguwe na Série Montréal-Québec, aho ryahuje abahize abandi mu mikino ngororamubiri muri Canada ndetse na bamwe mu banyamahaganga batumiwe.

Iri rushanwa ryakinwe rikurikira Shampiyona y’Imikino ngororamubiri muri Canada, ikinwa mu byiciro birimo abakiri bato, abakuru n’abafite ubumuga.

Ngarambe Yolanda (hagati) ubwo yari amaze kuba uwa mbere mu gusiganwa ku maguru muri metero 1500

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza