Muvunyi Hermas yaba ari mu minsi ya nyuma mu Ikipe y’Igihugu

Yanditswe na Jean Pierre Tuyisenge
Kuya 21 Nzeri 2016 saa 04:50
Yasuwe :
0 0

Muvunyi Hermas wari watangaje ko nyuma y’imikino Paralempike ya 2016 azahita asezera mu Ikipe y’Igihugu, yamaze gutangaza ko yisubiyeho kuri icyo cyemezo akaba agiye gufata umwanya wo kubitekerezaho ndetse no kuganira n’umuhagarariye.

Uyu mukinnyi w’imyaka 28 usiganwa ku maguru mu bafite ubumuga, akimara kubona itike yo kwitabira imikino Paralempike ya 2016 yabereye muri Brazil mu ntangiriro z’uku kwezi, yatangaje ko aya ariyo marushanwa ya nyuma agiye gukina ahagarariye igihugu kuko abona igihe kigeze ko aharira abakiri bato.

Nyuma yo kutegukana umudali haba mu kwiruka metero 400 na 1500 kandi yari yagiye atangaje ko ariyo ntego, yongeye gutangaza ko icyemezo cyo gusezera yagisubiyeho, akaba agiye kugisha inama umutima we no kuganira n’umujyanama ngo barebere hamwe icyo yakora.

Yagize ati “Icyemezo ndacyagifite muri njye ariko sindabyemeza neza, nzagisha inama umutima wanjye, ariko mirongo icyenda ku ijana ni ukubivamo nkajya mu bindi”.

Muvunyi abajijwe impamvu yagize igitekerezo cyo gusezera mu Ikipe y’Igihugu kandi yari agifite imbaraga, yavuze ko ari ukubera impamvu ze bwite.

Muvunyi, kuwa 17 Nzeli 2016 yakinnye mu cyiciro cya nyuma mu kwiruka metero 400 mu mikino Paralempike yabaye uwa gatanu akoresheje amasegonda 49 n’ibice 8, ariko nyuma yo kureba amashusho (Video), baje kumwambura uwo mwanya kuko basanze hari aho yakojeje ikirenge mu wundi murongo, ntibagira undi mwanya bamushyiraho ndetse yamburwa n’ibihe bye yakoresheje.

Ibi byamubayeho avuga ko atari we wa mbere, kimwe n’uko atari uwa nyuma bibayeho kuko ngo atigeze akora iryo kosa abigambiriye ndetse atazi n’igihe yarikoreye.

Muvunyi mu mikino Paralempike yakoresheje ibihe byiza

Muvunyi mu mikino Paralempike yagize ibihe byiza ugereranyije n’ibyo yakoresheje ubwo yitabiraga imikino mpuzamahanga yabereye i Doha muri Qatar umwaka ushize, akabona ibihe byo kwitabira imikino Paralempike, yasorejwe i Rio de Janeiro muri Brazil kuwa 18 Nzeli 2016.

Mu mikino yabereye muri Qatar mu Ukwakira 2015, Muvunyi mu majonjora yo kwiruka metero 400 yabaye uwa kabiri akoresheje amasegonda 50 n’ibice 47, mu gihe mu mikino Paralempike kuwa 16 Nzeli 2016 yakoresheje amasegonda 49 n’ibice 9.

Muri Qatara, mu kwiruka metero 400 yakoresheje amasegonda 49 n’ibice 79 ahita abona ibihe byo kwitabira imikino Paralempike.

Muvunyi kuwa 17 Nzeli mu mikino Paralempike yabaye uwa gatanu akoresheje amasegonda 49 n’ibice 8,nubwo yaje kubyamburwa kubera ikosa yakoze.

Mu myaka itandatu amaze akinira Ikipe y’Igihugu, yegukanye imidali myinshi irimo uwa zahabu yakuye i Lyon mu Bufaransa muri shampiyona y’Isi mu kwiruka metero 800 muri 2013, indi ibiri ya zahabu yakuye mu mikino Para-Africa Games ya 2011 i Maputo mu kwiruka metero 400, 2015 muri Brazzaville muri metero 400 n’umwe wa feza yakuye i Maputo mu kwiruka metero 800 muri 2011.

Muvunyi Hermas ntarafata umwanzuro ku bijyanye no gusezera mu Ikipe y'Igihugu
Hermas Muvunyi (ibumoso) yegukana umudali mu mikino mpuzamahanga yo muri Tunisia (IPC Grand Prix de Tunis in Tunisia) mu bafite ubumuga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244