Muhitira yongeye kwegukana Sedan-Charleville Half Marathon mu Bufaransa

Yanditswe na Ngabo Roben
Kuya 8 Ukwakira 2018 saa 06:25
Yasuwe :
0 0

Umunyarwanda Félicien Muhitira bita ‘Magare’, yongeye kwegukana irushanwa ngarukamwaka ‘Sedan-Charleville Half Marathon’ ribera mu Bufaransa, aba umukinnyi wa mbere uryegukanye kabiri yikurikiranya.

Kuri iki cyumweru tariki 7 Ukwakira 2018 abakinnyi basiganwa ku maguru basaga ibihumbi bitatu baturutse mu bihugu bitandukanye ku migabane yose y’isi, bahuriye mu Bufaransa bahanganira Sedan-Charleville Half Marathon 2018.

Iri siganwa ryari ifite intera ya kilometero 24.3, ryabaye ku nshuro ya 99 ryongeye kwegukanwa na Muhitira. Uyu mwaka yakoresheje 1h 11’48”.

Yakurikiwe n’abandi bakinnyi bavuka mu bihugu byo muri aka karere ka Afurika y’Iburasirazuba nk’umunya-Kenya Elvis Tabarach, wabaye uwa kabiri akoresheje 1h11’50” waje ku mwanya wa kabiri, na James Kibet w’umunya-Uganda wasoreje ku mwanya wa gatatu akoresheje 1h12’03”.

Nyuma yo kwegukana iri siganwa mpuzamahanga uyu mukinnyi w’imyaka 22 azakurikizaho ‘20km de Paris’ isiganwa rizakinwa ku Cyumweru tariki 14 Ukwakira 2018.

Ku nshuro ya kabiri yikurikiranya Muhitira ‘Magare’ yegukanye Sedan-Charleville Half Marathon

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza