Ishyirahamwe ry’Imikino Ngororamubiri na Gymnastique mu nzozi zo gukora impinduka

Yanditswe na Ishimwe Israel
Kuya 22 Ugushyingo 2016 saa 03:08
Yasuwe :
0 0

Mu gihe ryitegura kuzuza imyaka ibiri ritangiye gukora ku mugaragaro, Ishyirahamwe ry’Imikino Ngororamubiri na Gymnastique mu Rwanda (Fédération Rwandaise de Gymnastique -FERWAGY) riratangaza ko ryishimira kuba rimaze kugira amakipe muri tumwe mu turere ariko ngo intego ni ukuwugeza mu gihugu hose ku buryo urubyiruko rwifuza kuwukina ruzabona ayo mahirwe.

Ferwagy yatangiye gukora ku mugaragaro tariki 28 Gashyantare 2015 kuri ubu igizwe n’amakipe umunani arimo Gatenga, Gisenyi Acrobats, Vision Jeunesse Nouvelle y’i Gisenyi, Muhanga, Bugesera, Musanze, Petit Séminaire Virgo Fidelis i Butare na Circus of the Sun Kanombe.

Umuyobozi w’iri Shyirahamwe, Padiri Turabanye Janvier yatangarije IGIHE ko bagitangira bibanze ku gushaka amakipe no kuyaha ingufu ubu bakaba bagiye gushaka uko batangiza Ikipe y’Igihugu.

Ati “Tugitangira icya mbere kwari ugushaka ubuzima gatozi kandi twabashije kububona ndetse tunashyirwa mu banyamuryango ba Komite Olempike. Hari n’amarushanwa amwe n’amwe twagiye dutegura kandi agenda neza, abana bagaragaza impano zitandukanye.”

Yakomeje agira ati “Ubu turashaka kongera dukore inama rusange, dutumire amakipe yose tubereke umurongo dushaka kugenderamo watuma dutera imbere. Urebye ibintu bitatu tuzashyiramo imbaraga cyane ni uguhugura abatoza, gutegura amarushanwa tugatoranya abana bazajya mu Ikipe y’Igihugu. Ibi nitubigeraho tuzakora gahunda ihoraho y’amarushanwa ameze nka shampiyona.”

Padiri Turabanye avuga ko bitewe n’uburyo kubona umutoza wa Gymnastique bisaba amikoro kuko mu Rwanda ntawujuje ibisabwa ngo atoze Ikipe y’Igihugu, ngo bazifashisha Minisiteri ya Siporo n’umuco kugira ngo aboneke.

Kugeza ubu, mu Rwanda habarirwa abasore n’abakobwa bagera kuri 420 bakina gymnastique na acrobatie ariko haracyasabwa imbaraga nyinshi kugira ngo iyi mikino igere hose mu gihugu ari nabyo bizabyara imbaraga zo kubaka ikipe y’igihugu ikomeye, izashobora guhangana mu marushanwa mpuzamahanga.

Mu Rwanda hari abana benshi bafite impano ariko batarabona amahirwe yo kwiyerekana
Padiri Turabanye avuga ko bashaka guteza imbere iyi mikino, bakanashyiraho ikipe y'igihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244