Abanyarwanda ntibahiriwe muri shampiyona nyafurika ya Triathlon

Yanditswe na Mukwaya Olivier
Kuya 14 Nyakanga 2019 saa 01:31
Yasuwe :
0 0

Abanyarwanda ntibahiriwe muri shampiyona nyafurika ya Triathlon aho basiganwaga metero 750 mu mazi, ibirometero 20 ku igare n’ibirometero 5 biruka ku maguru.

Mu midari 12 yatanzwe begukanyemo itatu gusa. Abakinnyi bakaba bavuga ko bazize ibikoresho n’imyitozo mike.

Iri rushanwa ryabereye i Rubavu kuri uyu wa Gatandatu ryitabiriwe n’abakinnyi 35 bavuye mu bihugu icyenda birimo u Rwanda, Afurika y’Epfo, Kenya, u Burundi, u Buyapani, Pologne, Turikiya, Maroc na Misiri.

Uwineza Hannan witoreza mu gihugu cya Luxemburg, avuga ko icyo abanyarwanda bazize ari imyitozo mike.

Yagize ati “ Nagowe cyane no mu mazi ariko nagabanije ibihe bitewe n’imyitozo mazemo iminsi. Abakinnyi twahuye uyu munsi bari ku rwego rwo hejuru kuko bo ni ibisanzwe. Njye ni ubwa gatatu ndikinnye, ngiye gukomeza imyitozo ariko nta bikoresho ndasaba Federasiyo ko yatwitaho.”

Umuyobozi wa Federasiyo ya Triathlon mu Rwanda, Mbaraga Alexis yavuze ko abakinnyi bari basanganywe bakuze ariyo mpamvu bagiye kwita ku bato bakabaha n’ibikoresho bigezweho.

Ati’ “Abakinnyi dufite batangiye bakuze, ubu tugiye gutangirana n’abana bato biga koga bya kinyamwuga kuko abakinnyi batsinzwe cyane mu koga. Tugiye no gushaka amagare agezweho’’.

Ku birebana n’ubufasha yavuze ko federasiyo ikiyubaka ariko igerageza gutera imbere nubwo abaterankunga bataraboneka.

Guverineri w’intara y’iburengerazuba,Munyantwari Alphonse yashimye ingimbi zaserukiye u Rwanda yizeza inkunga y’ubuyobozi.

Ati “Nubwo abayarwanda bataje mu myanya ya mbere ariko mu bato bagerageje. Biratanga icyizere kandi uyu mukino tugiye kuwuteza imbere kuko ni umwihariko w’Intara y’iburengerazuba bitewe n’ikiyaga cya Kivu.”

Iri rushanwa riri ku ngengabihe y’amarushanwa mpuzamahanga rikaba rinahesha abakinnyi amanota yo kwemererwa gukina imikino Olempike izaba umwaka utaha muri 2020, i Tokyo mu Buyapani.

Uko bakurikiranye mu gutsinda

Abagore Junior East Africa:

1.Hanifa Said(Kenya)

2.Josette Njeri(Kenya)

3.Samillah Dukuzimana(Rwanda

Abagabo Junior East Africa:

1.Niyitanga Salumu Kevin(Rwanda)

2.Jacques Maniraguha(Rwanda)

3.Simon Peus(Rwanda)

Abagore

1.Esranur Gockek(Turquie)

2.Jodie Berry(South Africa)

3.Rehab Hamdy(Egypt)

Abagabo

1.Matthew Greer(South Africa)

2.Badr Siwane(Maroc)

3.Dan Mcintosh(Maroc)

Abasiganwa boze metero 750
Abanya-Maroc ubwo basohakaga mu mazi
Uyu mukino ukinwa boga, biruka banagenda ku magare
Guverineri Munyantwari (hagati wambaye indorerwamo z'amaso) yari yaje gukurikirana aya marushanwa
Niyitanga Kevin yabaye uwa mbere mu ngimbi z'akarere
Abanyamahanga bihariye imyanya mu bagore
Aba mbere mu bagabo n'abagore bafashe ifoto y'urwibutso
Ababaye aba mbere mu bagore bahembwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza