Kwamamaza

Bwa mbere, imikino ya Kung Fu igiye gukinirwa hanze ya Kigali

Yanditswe kuya 26-10-2016 saa 13:05' na Manzi Rema Jules


Ku nshuro ya mbere Ishyirahamwe ry’umukino njyarugamba wa Kung Fu mu Rwanda, ryafashe icyemezo cyo korohereza Abanyarwanda batuye mu turere kwihera amaso ibihangange muri uyu mukino bihatanira imidali muri shampiyona y’uyu mwaka izatangira kuri iki Cyumweru tariki 30 Ukwakira.

Ubusanzwe shampiyona y’umukino wa Kung Fu yaberaga i Kigali muri stade nto y’i Remera, ari naho amakipe yose avuye mu bice bitandukanye by’igihugu yahuriraga akishakamo arusha andi akegukana imidali.

Nk’uko IGIHE yabitangarijwe na Perezida w’Ishyirahamwe ry’uyu mukino mu Rwanda, Mucyo Jackson, ngo nyuma yo kubona ko n’abatuye mu bindi bice by’igihugu bitari mu Mujyi wa Kigali bakeneye kureba uyu mukino ndetse no kurushaho kuwusobanukirwa, byemejwe ko uyu mwaka hakwiye kuba impinduka maze nabo ukabasanga aho batuye.

Ati “Shampiyona y’uyu mwaka twasanze ari byiza ko itakongera kubera muri Kigali nk’uko bisanzwe. Ubu tuzabanza dukore amajonjora hirya no hino mu gihugu, abahatuye bagire amahirwe yo kureba abana babo bakina Kung Fu noneho nyuma ku munsi wa nyuma bazahurire kuri Stade nto i Remera dusoza.”

Mucyo yavuze ko ku munsi wa mbere amajonjora azakorerwa mu nzu y’urubyiruko ya Kimisagara tariki 30 guhera saa saba, ahazahurira amakipe 11 yo muri Kigali, tariki 6 Ugushyingo amajonjora azakomereza i Ngoma ahazahurira amakipe yose yo mu Ntara y’i Burasirazuba hakurikireho i Huye tariki 13 Ugushyingo ahazahurira amakipe yo mu Majyepfo n’i Karongi.

Tariki 27 Ugushyingo nibwo amakipe yitwaye neza muri ibyo bice byose azahurira kuri Stade nto i Remera yishakemo arusha andi ari na wo munsi wo gusoza shampiyona y’uyu mwaka.

Nk’uko byagenze umwaka ushize ubwo abari kuri Stade nto i Remera basusurutswaga n’Abashinwa mu myiyereko idasanzwe ya Kung Fu, n’uyu mwaka ngo hari ibindi birori biteganyirijwe, aho abazaba bitabiriye isozwa rya shampiyona bazongera gususurutswa n’Abashinwa ari na bo baterankunga bakuru b’uyu mukino mu Rwanda.

Mucyo avuga ko uyu mwaka bashaka ko imikino ya Kungu Fu izabera hirya no hino mu turere
Ababyeyi bazagira kwirebera ubuhanga bw'abana babo muri uyu mukino
Abazitabira iyi mikino bazagira amahirwe yo gususurutswa n'Abashinwa bafatwa nk'ibihangange mu mukino wa Kung Fu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved