Kwamamaza

U Rwanda mu rugamba rwo kongera umubare w’abasifuzi babigize umwuga muri Tennis

Yanditswe kuya 13-09-2016 saa 11:50' na Manzi Rema Jules


Abanyeshuri barangije kwiga siporo mu yahoze ari KIE ndetse n’abandi basanzwe bakurikira umukino wa Tenis bashaka kuba abasifuzi b’umwuga basoje amahugurwa y’iminsi ibiri yari yateguwe n’Ishyirahamwe ry’uyu mukino mu Rwanda.

Aya mahugurwa yasojwe kuri uyu wa 12 Nzeri yari mu rwego rwo kongera umubare w’abasifuzi b’umwuga, yabereye i Remera ku bibuga bikinirwaho Tennis.

U Rwanda rusanzwe rufite abasifuzi mpuzamahanga babiri gusa bajya baruhagararira mu marushanwa yo hirya no hino muri Afurika ndetse akaba ari nabo bayobora imikino ikomeye imbere mu gihugu kuko abandi babikora aba ari abishimisha gusa.

Ndugu Philbert uhagarariye abasifuzi ba Tennis mu Rwanda yatangaje ko bashaka kubaka uru rwego rugakurana n’uyu mukino kuko mu gihe kiri imbere u Rwanda ruzajya rwakira amarushanwa akomeye muri Afurika bityo hagomba kuba hari abasifuzi b’Abanyarwanda bashobora kwizerwa bagahabwa kuyisifura.

Yagize ati “Hashize igihe gito dutangiye gutegura abasifuzi tukaba twifuza ko twagira abasifuzi b’abanyamwuga kuko kugeza ubu dufite bake cyane. Aba twatangiranye bagera kuri 30 barimo abantu basanzwe bakurikirana umukino wa Tennis bifuza kuba abasifuzi ndetse turimo gukorana na bamwe mu bize siporo muri KIE bashaka kuba abanyamwuga muri Tennis.”

Ndugu avuga ko abantu bitabiriye aya mahugurwa y’iminsi ibiri yatangiye ku Cyumweru tariki 11 Nzeli, aribo bazahagararira imikino itandukanye y’irushanwa rya Rwanda Open riteganyijwe gutangira tariki 15 uku Kwezi rikazitabirwa n’abakinnyi babigize umwuga bo mu bihugu byo mu Karere ka Afurika y’u Burasirazuba na Congo Kinshasa.

Nshimiyimana Jean Pierre usanzwe ari umusifuzi wabigize umwuga ari nawe wahuguye aba basifuzi yavuze ko ubusanzwe amahugurwa amara iminsi itanu ariko aba bakoze iminsi ibiri gusa kuko igihe bari bafite cyari gito, nyuma y’irushanwa rya Rwanda Open bakazongera guhura kugira ngo barusheho kugira ibyo biyungura.

Bamwe mu bahuguwe bazasifura mu irushanwa rya Rwanda Open
Ndugu Philbert uhagarariye abasifuzi mu Rwanda mu mukino wa Tennis
Nshimiyimana Jean Pierre umwe mu basifuzi babiri mpuzamahanga ari nawe wahuguye abandi
Uwisugi Florence warangije kwiga siporo mu yahoze ari KIE arashaka kuba umusifuzi wa Tennis wabigize umwuga

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved