Kwamamaza

Tennis: Indondo Denis yegukanye Rwanda Open ashimira abakobwa b’abanyarwanda

Yanditswe kuya 26-09-2016 saa 15:59' na Jah d'eau DUKUZE


Umukinnyi w’umunyekongo Indondo Denis ni we wegukanye irushanwa mpuzamahanga rya Tennis rizwi nka Rwanda Open, ryari rimaze iminsi ribera ku bibuga bya Stade Amahoro i Kigali.

Ibihugu bigera kuri bitandatu, ni byo byari byavuyemo abakinnyi 161 bagabanyije mu byiciro bitatu bari bitabiriye iri rushanwa mpuzamahanga rya Tennis ryaberaga i Kigali kuva tariki ya 16 Nzeri.

Icyiciro cya mbere, cyari kirimo abana 32 batarengeje imyaka 16, abakobwa 16 n’abahungu bangana uko. Ikindi cyiciro ni icy’abatarabigize umwuga cyarimo abagera kuri 48.

Icyiciro cya gatatu cyari muri Rwanda Open ni icy’ababigize umwuga cyahuje abava mu bihugu bitandatu bakabamo bagabo 32 n’abagore 32. Mu mazina akomeye yari i Kigali, harimo Indondo Denis(Aboma) watwaye CAN anatwara umudari wa zahabu mu mikino nyafurika ya 2015 ndetse na Mugabe Duncan, Umugande wazaga ku mwanya wa 1200 ku isi nzima muri ATP ranking.

Bidatunguranye, aba bagabo bombi(Indondo na Duncan) ni bo baje guhurira ku mukino wa nyuma wabereye kuri Stade Amahoro kuri iki cyumweru, maze biza kurangira Umunyekongo Indondo Denis ari we wegukanye iri rushanwa, atsinze Duncan Mugabe seti 2-0(6-3,6-2).

Nyuma yo kwegukana iyi Rwanda Open yaherekejwe n’ibaruwa irimo amadorali 1000, Indondo Dennis yishimiye uburyo iri rushanwa yegukanye ryateguwe.

Yagize ati: “Ryari irushanwa ryiza ndishimye kuba ndyegukanye.Nashimira cyane abariteguye, nkashima abo twari duhanganye ndetse, nkashimira n’abakobwa b’abanyarwanda banshyigikiye”.

“Duncan twahuraga ni umukinnyi mwiza ariko ahangaha icyo namurushije ni mu mutwe ni cyo cy’ingenzi kurusha ubundi buhanga”

Uretse mu bagabo, mu bagore, Nancy Onyi uzwi nka Serena Williams wa Congo, yatsinze Changawa Chufaa wo muri Kenya seti 2-1(3-6, 7-6 na 6-0). Uyu na we akaba yahembwe amadorali 750 nyuma yo kwegikana umwanya wa mbere.

Mu bakina ari babiri kuri babiri (Double Games), ikipe ya DR Congo yari igizwe na Salma na Dennis Indondo yatsinze iy’u Rwanda yari igizwe na Habiyambere Dieudonné na Havugimana Olivier, Seti ebyiri ku busa, 6-2, 6-1.

Ubuyobozi bw’Ishyirahamwe ry’Umukino wa Tennis mu Rwanda bwo bwatangaje ko bwishimiye uko imikino yagenze gusa bavuga ko bagiye gukoresha imbaraga nyinshi ngo ubutaha abakinnyi b’Abanyarwanda na bo bazashobore kwitwara neza.

Indondo yashimiye u Rwanda byumwihariko
Serena Williams wo muri Congo yegukanye igikombe mu bagore

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved