00:00:00 IGIHE NETWORK KN KINYARWANDA EN ENGLISH FR FRANCAIS

Nzeyimana yatorewe kuba Umunyamabanga Mukuru wa Komite Nyafurika ishinzwe imikino y’Abafite ubumuga

Yanditswe na Eric Tony Ukurikiyimfura
Kuya 1 Ugushyingo 2021 saa 06:30
Yasuwe :
0 0

Umunyarwanda Nzeyimana Célestin yatorewe kuba Umunyamabanga Mukuru wa Komite Nyafurika ishinzwe imikino y’Abafite ubumuga (APC) mu nama yabereye i Rabat muri Maroc kuri iki Cyumweru.

Kuri iki Cyumweru, tariki ya 31 Ukwakira 2021, ni bwo habaye inama ya Komite Nyafurika ishinzwe imikino y’Abafite ubumuga (APC) yabereyemo amatora ya Komite Nyobozi Nshya izayobora mu myaka ine iri imbere.

Nzeyimana wabaye Perezida wa Komite Paralempike y’u Rwanda hagati ya 2013 na 2017, yatorewe kuba Umunyamabanga Mukuru ku majwi 30, atsinze Umunya-Botswana Thuso Rasetapa wagize amajwi icyenda.

Ku mwanya wa Perezida hatowe Umunya-Ghana, Samson Deen, akaba azungirizwa n’Umunya-Misiri, Hayat Khattab n’Umunya-Cap-Vert Hamid El Aouni nka Visi Perezida wa Mbere n’uwa Kabiri mu gihe Umubitsi yabaye Khaled Mohammed Al-Rugaibi wo muri Libya.

Nzeyimana wabaye umukinnyi wa Volleyball na Sitting Volleyball hagati ya 2004 na 2008, yabaye kandi Umunyamabanga Mukuru wa NPC Rwanda hagati ya 2006 na 2012.

Yabaye n’Umunyamabanga Mukuru wa Para Volley Africa hagati ya 2017 na 2020 mu gihe kuri ubu ari Umujyanama wa NPC Rwanda.

Nzeyimana Célestin yatorewe kuba Umunyamabanga Mukuru wa Komite Nyafurika ishinzwe imikino y'Abafite ubumuga (APC)
Murema Jean Baptiste uyobora NPC Rwanda ari kumwe na Nzeyimana Célestin i Rabat muri Maroc
Umunya-Ghana Samson Deen watorewe kuyobora Komite Nyafurika ishinzwe imikino y'Abafite ubumuga (APC)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .