Kwamamaza

Miliyoni zirindwi zashowe mu irushanwa mpuzamahanga rya Tennis-Rwanda Open

Yanditswe kuya 16-09-2016 saa 13:28' na Jah d'eau DUKUZE


Abakinnyi 161 baturutse mu bihugu bitandatu ni bo bagiye kwitabira irushanwa mpuzamanga rya Tennis, Rwanda Open, riri butangizwe kuri stade Amahoro kuri uyu wa Gatanu tariki ya 16 Nzeri.

Ni irushanwa ryateguwe n’ishyirahamwe ry’umukino wa Tennis mu Rwanda rifatanyije na Minispoc, aho abakinnyi baturuka mu bihugu by’u Rwanda, Kenya, Repubulika Iharanira Demokarasi ya Congo, u Burundi, Tanzania na Uganda, bazaba bahatanira igihembo nyamukuru cy’amadorali 1000(800 000Frw), azahabwa uwabaye uwa mbere mu babigize umwuga.

Ibyiciro bitatu, ni byo bizatanga abakinnyi 161 bari bwitabire iri rushanwa rizasozwa tariki ya 25 Nzeri. Icyiciro cya mbere, kirimo abana 32 batarengeje imyaka 16, abakobwa 16 n’abahungu bangana uko. Ikindi cyiciro ni icy’abatarabagize umwuga bagera kuri 48, banarimo bamwe mu bayobozi b’igihugu.

Icyiciro cya gatatu kigiye gukina Rwanda Open ni icy’ababigize umwuga cyahuruje abava mu bihugu bitandatu bakabamo abagabo 32 n’abagore 32. Mu mazina akomeye ari i Kigali, harimo Indondo Denis(Aboma) watwaye CAN anatwara umudari wa zahabu mu mikino nyafurika ya 2015.

Aha kandi, harimo Mugabe Duncan uza ku mwanya wa 1200 ku Isi nzima muri ATP ranking. Abanyakenya Ibrahim Kibet, na Kevin Cheriot na bo bari mu bitezwe muri iyi Rwanda Open. Abanyarwanda Olivier na Ernest na bo baratanga icyizere n’abakobwa bakomeye Shufa Chanagwa wa mbere mu karere na Nancy Onya wo muri Congo Kinshasa.

Ntageruka Kassim(iburyo) umuyobozi w’Ishyirahamwe rya Tennis atangaza ko bizeye ko Rwanda Open izagenda

Amafaranga agera kuri miliyoni zirindwi n’ibihumbi 200(7 200 000Frw) ni yo azahembwa abakinnyi bazitwara neza muri iyi mikino. Imikino yose ikazakinirwa kuri stade Amahoro, uhereye uyu munsi tariki ya 16 Nzeri ikazasozwa tariki ya 25 uku kwezi.

Ubuyobozi bw’ishyirahamwe ry’umukino wa Tennis mu Rwanda, bukaba butangaza ko iyi mikino izabafasha kwitegura igikombe cya Afurika kizabera i Nairobi kuva tariki ya 7-13 Ugushyingo ,hamwe n’imikino y’abana izabera na yo muri Kenya kuva tariki 23 Ugushyingo kugeza tariki 10 Ukuboza.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved