Kwamamaza

Memorial Gakwaya izaniye Abanyehuye amasiganwa ya moto z’akataraboneka

Yanditswe kuya 6-10-2016 saa 20:28' na Jah d'eau DUKUZE


Moto 12 zirimo ebyiri z’abanya-Afurika y’Epfo, ni zimwe mu bigize isiganwa rya Memorial Gakwaya rizaba rikinwa ku nshuro yaryo ya 30 rikabera i Huye hagati y’amatariki ya 15 na 16 Ukwakira 2016.

Memorial Gakwaya cyangwa Rally ya Huye,iza ku mwanya wa gatanu ku ngengabihe ya shampiyona y’umukino w’amamodoka mu Rwanda, aho ibanziriza andi masiganwa arimo Kabare Rally, Pearl of Africa Uganda Rally, Rwanda Mountain Gorilla Rally na Liberation Day Rally, mu gihe iyi izakurikirwa na Rally de L’Est ndetse na Rallye des Milles Collines isoza shampiyona y’u Rwanda.

Memorial Gakwaya yari isanzwe ibamo umwihariko wo gukinwamo agace k’ijoro, uyu mwaka izaba inarimo akandi gashya,dore ko abanya-Afurika y’Epfo babiri Nick de Wit na Scott Billet, bazafata umwanya wo kwiyereka abatuye i Huye ku bumenyi budasanzwe bafite kuri Moto, nk’uko Gakwaya Christian uyobora ishyirahamwe ryo gusiganwa mu modoka mu Rwanda yabitangaje.

Yagize ati “Nick de Wit na Scott Billet baziyerekana bashimisha abafana (free style) nyuma bahe amahugurwa Abanyarwanda bazaba bitabiriye iri siganwa rya moto”.

Imyiyereko y'aya ma moto y'abanya Afurika y'epfo ni kimwe mu byitezwe i Huye

Uretse iby’aba bakinnyi babiri bazaba baturutse muri Afurika y’Epfo, Umuyobozi w’iri siganwa rya Memorial Gakwaya Rutabingwa Fernand, yatangarije IGIHE ko imyiteguro igeze ku musozo ndetse hafi abakinnyi bose kuri ubu bamaze kwiyandikisha.

Ati “Imyiteguro dusa nk’abayirangije ndetse n’amalisiti turi kuyakora. Ubu dufite imodoka eshanu zizaba ziturutse mu Rwanda na zirindwi zizava muri Uganda. Turateganya n’andi atatu ashobora guturuka mu gihugu cy’u Burundi nubwo batari baduha igisubizo cya nyuma”.

Uretse kandi abanya-Afurika y’Epfo babiri Nick de Wit na Scott Billet baziyerekana kuri Moto basusurutsa abanya-Huye, biteganyijwe ko hazanaba amasiganwa ya Moto muri iyi Memorial Gakwaya, aho abanyarwanda bagera kuri 10 bari mu bazaba bahatanira igihembo cy’uwa mbere.

Davite Giancarlo wari wegukanye Memorial Gakwaya y’umwaka ushize, ntabwo azaba ari mu basiganwa mu mpera z’icyumweru gitaha kuko yahagaritswe umwaka na RAC adasiganwa mu Rwanda no hanze yarwo.

Gakwaya Claude Sr uzaba wibukwa ku nshuro ya 30, yahoze ari umukinnyi ukomeye wo gusiganwa mu modoka, aza kwitaba Imana mu mwaka wa 1986 azize impanuka.

Abanya Huye bashonje bahishiwe mu cyumweru gitaha
Memorial Gakwaya isanzwe ifite umwihariko wo gukinwamo igice cyo mu ijoro(Night Stage)
Abatuye i Huye bari bwirebere ibi birori ku matariki ya 15 na 16 Ukwakira

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved