Kwamamaza

Handball: Mu gikombe cya Afurika u Rwanda rukomeje gukorerwaho amateka

Yanditswe kuya 4-09-2016 saa 11:02' na Manzi Rema Jules


Ikipe y’Igihugu ya Handball yitabiriye imikino y’igikombe cya Afurika cy’abari munsi y’imyaka 18 (Youth Africa Championship U18) nyuma yo gutsindwa na Repubulika Iharanira Demokarasi ya Congo ku bitego 45-15 mu mukino wa mbere, noneho mu mukino wa kabiri yanyagiwe na Misiri 56-12 muri Palais des Sports de Bamako muri Mali.

Muri iri rushanwa ryitabiriwe n’ibihugu umunani, u Rwanda rwakinnye umukino wa mbere kuwa Gatanu rutsindwa na Congo Kinshassa ibitego 45-15.

Mu kiganiro n’abanyamakuru umutoza Mudaharishema Sylvestre wajyanye n’iyi kipe atangaza ko bazize kuba Congo yakinishije ‘abasaza’ bari mu myaka 25 na 30 kandi irushanwa ari iry’abana bari munsi y’imyaka 18.

Nubwo yari yatangaje ko agiye gukosora kugira ngo bitware neza mu mukino wa kabiri bagombaga gukina na Misiri ntibyamukundiye kuko ikipe ye yanyagiwe na Misiri Ibitego 56-12.

Agace ka mbere karangiye Misiri iri imbere n’ibitego 31-5 by’u Rwanda, mu gace ka kabiri u Rwanda rutsindwa ku manota 7- 25 umukino urangira ku giteranyo cy’ibitego 56 kuri 12 by’u Rwanda.

Nyuma yo gutsindwa imikino ibiri ya mbere rurushwa cyane kuri iki Cyumweru u Rwanda rurakina umukino wa nyuma mu itsinda ruhanganye na Tunisia.

Abasore ba Misiri batsinze u Rwanda Ibitego 56 kuri 12

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 Nzeri 2016
Copyright © 2009 -2014 - IGIHE Ltd - All Rights Reserved