Espagne yabaye indi kipe y’ikigugu isezerewe mu Gikombe cy’Isi nyuma yo gutsindwa n’u Burusiya (Amafoto)

Yanditswe na IGIHE
Kuya 1 Nyakanga 2018 saa 07:30
Yasuwe :
0 0

Amakipe akomeye yanahabwaga amahirwe yo kwegukana Igikombe cy’Isi kiri kubera mu Burusiya akomeje gutungurwa, nyuma yo gusezererwa k’u Budage bufite igikombe giheruka mu 2014, Portugal na Argentine zifite abakinnyi babiri ba mbere ku Isi, Espagne ifite igikombe cy’Isi cya 2010 niyo yari itahiwe.

Mu mukino wa 1/8 wabaye kuri iki Cyumweru, u Burusiya bwakiriye iki gikombe bwari buhanganye na Espagne nk’imwe mu makipe yahabwaga amahirwe yo kugera kure.

Espagne yabonye igitego cya mbere ku munota wa 12 cyitsinzwe na Sergey Ignashevich, ariko rutahizamu w’u Burusiya, Artem Dzyuba aza kucyishyura kuri penaliti nyuma y’uko myugariro wa Espagne, Gerard Piqué yari akoze umupira n’intoki.

Hitabajwe iminota 30 y’inyongera biba iby’ubusa, biba ngombwa ko amakipe yombi akizwa na penaliti, maze umunyezamu w’u Burusiya, Igor Akinfeev, akora ibitangaza akuramo penaliti ebyiri, iya Koke n’iya Iago Aspas, ikipe yakiriye irushanwa ikomeza mu cyiciro gikurikira.

Biteganyijwe ko ku isaa 20h00 haba undi mukino, aho Croatia igomba gucakirana na Denmark hakavamo imwe igomba gukomeza mu irushanwa.

Igor Akinfeev yabanje gukuramo penaliti ya Koke
Igor Akinfeev yakubise umupira watewe na Iago Aspas muri penaliti nubwo yari yamaze kuryama hasi
Ramos yishimira igitego cya mbere cya Espagne cyitsinzwe n'umukinnyi w'u Burusiya
Umusifuzi w'Umuholandi, Bjorn Kuipers, yasifuye ko Gerard Pique yakoze umupira n'intoki
Abakinnyi ba Espagne mbere y'iminota 30 y'inyongera
Abakinnyi b'u Burusiya babanje kongererwa imbaraga mbere y'iminota y'inyongera
Abakinnyi b'u Burusiya mu byishimo nyuma yo gusezerera Espagne

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza