IGIHE.com > Imikino > Football
Gatsibo Football Academy igiye kugirana ubufatanye na Manchester United

Gatsibo Football Academy igiye kugirana ubufatanye na Manchester United


Yanditswe kuya 25-11-2012 - Saa 09:49' na Olivier Rubibi

Ishuri ryigisha umupira w’amaguru rya Gatsibo (Gatsibo Football Academy) ribifashijwemo na sosiyete y’itumanaho ya Airtel, rigiye kugirana ubucuti n’ikipe ya Manchester United yo mu Bwongereza.

Marcellin Paluku, Umuyobozi wa Airtel Rwanda, yabitangaje ubwo Gatsibo Football Academy yashyikirizwaga ibikoresho na sosiyete ya Tigo, Airtel, Startimes , Ishyirahamwe ry’umupira w’amaguru mu Rwanda (FERWAFA) na Minisiteri y’uburezi.

Paluku yatangaje ko Airtel isanzwe ifite imikoranire myiza na Manchester United mu kwamamaza sosiyete ya Aitel, bagiye guhuza Gatsibo Football Academy na Manchester United, bakazajya bakorana mu myigire yabo.

Airtel yatanze imipira yo gukina 50, imyenda 50 ; Tigo yabagenera igikapu kuri buri mwana n’igikoresho cyo gutwaramo amazi yo kunywa, naho Star time ibaha Televiziyo nini bazajya bifashisha bareba imipira igihe barimo kwiga, n’amakaramu yo kwandikisha.

Marcellin Paluku yavuze ko bagiye kuzajya bafatanya bya buri gihe n’ishuri ryigisha umupira w’amaguru rya Gatsibo.

Marcellin Paluku, Umuyobozi wa Airtel Rwanda

Usibye Airtel , Diego Camberos, Umuyobozi wa Tigo Rwanda na we yavuze ko guhera ku wa 24 Ugushyingo, Tigo igiye gukurikirana Gatsibo Footaball Academy ikazajya iyitera inkunga mu mikorere yayo.

Diego Camberos, Umuyobozi wa Tigo Rwanda

Naho Ntagungira Celestin, Perezida wa FERWAFA, yavuze ko u Rwanda rurangajwe imbere no gutegura abana b’Abanyarwanda, Ferwafa ikaba igiye kuzajya ifasha amashuri y’umupira w’amaguru ujyanye n’igihe tugezemo.

Gatsibo Football Academy yigamo abana 314, bari mu byiciro bitandukanye kuva ku myaka ine kugera kuri cumi n’irindwi (4-17), kugeza ubu bakaba bafite abakinnyi 18 muri shampiyona y’u Rwanda. Bamwe muri abo bakinnyi harimo nka Ndayishimiye Celestin (Evra), Niyomugabo Habibu( A.S Muhanga), Sibomana Abdoul ( Isonga), Hakizimana Francais (APR).

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO