Yassin Mugume wirukanywe muri Rayon Sports agiye gusinyira Vipers SC yo muri Uganda

Yanditswe na Ngabo Roben
Kuya 8 Mutarama 2019 saa 03:00
Yasuwe :
0 0

Nyuma yo gukinira Rayon Sports amezi 10 akaza kwirukanwa, Rutahizamu w’umunya-Uganda, Mugume Yassin, yatsinze igerageza muri Vipers Sports Club yo muri Uganda ishobora kumusinyisha muri iki Cyumweru.

Ikipe ya Vipers SC yegukanye igikombe cya shampiyona iheruka muri Uganda, yasezerewe muri CAF Champions League ubu iri muri CAF Confederation Cup aho igomba guhangana na Club Sportif Sfaxien yo muri Tunisia ya rutahizamu w’Umunyarwanda Biramahire Christopher Abeddy.

Mu rwego rwo kwitegura iyi kipe, Vipers SC ikomeje kongeramo abakinnyi bamenyereye aya marushanwa ya CAF bafashije amakipe yabo kugera kure umwaka ushize. Yamaze gusinyisha umukinnyi wo hagati usatira Innocent Wafula yavanye muri Gor Mahia FC yo muri Kenya.

Igiye kumukurikiza Yassin Mugume, umunya-Uganda wakiniye Rayon Sports kuva muri Mutarama 2018 kugera mu Ukwakira 2018 ariko aza kwirukanwa kubera umusaruro muke.

Yassin Mugume wari umaze iminsi 10 akorera imyitozo muri Vipers SC biteganyijwe ko azayisinyira muri iki Cyumweru ikaba indi kipe akiniye nyuma ya Lweza FC, The Saints, Simba FC, Police FC ya Uganda, KCCA FC na Rayon Sports.

Ntabwo yahiriwe n'amezi 10 yamaze muri Rayon Sports kuko umwanya wo gukina wabaye muto
Vipers CS igiye gusinyisha Yassin Mugume wirukanywe na Rayon Sports

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza