00:00:00 IGIHE NETWORK KN KINYARWANDA EN ENGLISH FR FRANCAIS

Xavi Hernández yemejwe nk’umutoza mushya wa FC Barcelone

Yanditswe na Eric Tony Ukurikiyimfura
Kuya 6 Ugushyingo 2021 saa 08:38
Yasuwe :
0 0

Nyuma y’amasaha y’ibiganiro byabereye muri Qatar, FC Barcelone yatangaje ko uwahoze ari umukinnyi wayo, Xavi Hernández, ari we uzayibera umutoza mushya ndetse azerekanwa ku wa Mbere, tariki ya 8 Ugushyingo 2021.

FC Barcelone nta mutoza yari ifite nyuma yo gutandukana na Ronald Koeman ku wa 27 Ukwakira 2021.

Ahagana saa Munani n’iminota 47 z’ijoro ni bwo FC Barcelone yatangaje ko Xavi Hernández ari we uzayibera umutoza mushya ndetse byitezwe ko azahabwa amasezerano azageza mu 2024.

Uyu mugabo w’imyaka 41, yatozaga Al-Sadd yo muri Qatar, aho yageze mu 2015 avuye muri FC Barcelone, abanza kuyikinira mbere yo kuyitoza guhera mu 2019.

Xavi yabaye umukinnyi ukomeye wo hagati mu kibuga ubwo yakiniraga FC Barcelone, ayifasha kwegukana ibikombe bine bya UEFA Champions League n’umunani bya Shampiyona ya La Liga.

Yahagurutse i Doha muri iki gitondo n’indege yavuye muri Qatar saa Kumi n’imwe n’iminota 45 mu gihe azerekanwa nk’umutoza mushya ku wa Mbere.

Nubwo FC Barcelone itigeze itangaza ibyo yatanze kugira ngo uyu mutoza ave muri Al-Sadd yari agifitiye amasezerano y’imyaka ibiri, bivugwa ko yishuye miliyoni 5€.

Kuri ubu, FC Barcelone iri ku mwanya wa cyenda muri Shampiyona y’Icyiciro cya Mbere muri Espagne nyuma yo gutsinda imikino ine muri 11 imaze gukinwa, aho irushwa amanota icyenda na Real Sociedad ya mbere.

Nyuma y'imyaka itandatu avuye muri FC Barcelone, Xavi Hernández agiye kuyisubiramo nk'umutoza
Xavi Hernández yatwaye ibikombe bitandukanye akinira FC Barcelone kuva mu 1998 kugeza mu 2015

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .