00:00:00 IGIHE NETWORK KN KINYARWANDA EN ENGLISH FR FRANCAIS

Xavi ategerejwe nk’umutoza mushya wa FC Barcelone

Yanditswe na Eric Tony Ukurikiyimfura
Kuya 5 Ugushyingo 2021 saa 04:09
Yasuwe :
0 0

Uwahoze ari umukinnyi wa FC Barcelone, Xavi Hernandez, ashobora gutangazwa nk’umutoza wayo mushya kuri uyu wa Gatanu nyuma y’uko Al Sadd yatozaga, yemeye kumurekura ngo asubire muri Espagne.

Ikipe ya Al Sadd yo muri Qatar, yaherukaga gutangaza ko itazemerera Xavi kujya muri FC Barcelone kuko yari akiyifitiye amasezerano y’imyaka ibiri.

Xavi w’imyaka 41, yakinnye imikino 779, atwara ibikombe 25 ari muri FC Barcelone ndetse mu minsi ishize yavuze ko ashaka "gusubira mu rugo" nk’umutoza mu gihe amakipe yombi yaba yumvikanye.

Kuri uyu wa Gatanu, Al Sadd yavuze ko Barça yishyuye ibyari bikubiye mu masezerano ya Xavi wayitozaga.

Xavi watwaye Igikombe cy’Isi mu 2010 na UEFA Champions League inshuro ebyiri, yavuye muri FC Barcelone mu 2015, ajya muri Al Sadd yabanje gukinira.

Yabaye umutoza nyuma yo gusezera gukina mu 2019, ayifasha gutwara igikombe cya Shampiyona iheruka, aho kuri ubu imaze imikino 36 ya Shampiyona idatsindwa.

Mu butumwa bwayo, iyi kipe yo muri Qatar yagize iti "Xavi ni umwe mu bagize amateka ya Al Sadd, tumwifurije amahirwe ahazaza . Twemeranyijwe gukorana na FC Barcelone mu gihe kiri imbere."

Xavi yatangiye kuvugwa muri FC Barcelone kuva ku wa 27 Ukwakira ubwo yari imaze kwirukana Ronald Koeman wayitozaga.

Kuri ubu, FC Barcelone iri ku mwanya wa cyenda muri Shampiyona y’Icyiciro cya Mbere muri Espagne nyuma yo gutsinda imikino ine muri 11 imaze gukinwa, aho irushwa amanota icyenda na Real Sociedad ya mbere.

Iyi kipe y’i Cataluna yagowe n’ibibazo by’amikoro make muri iyi myaka ishize kugeza ubwo inanirwa kongerera amasezerano Lionel Messi wakinanye na Xavi ndetse abakinnyi yaguze mu mpeshyi barimo Memphis Depay, Sergio Aguero na Eric Garcia baziye ubuntu naho Luuk de Jong atirwa muri FC Seville.

Xavi ni we ugirwa Umutoza wa FC Barcelone yakiniye
Xavi yakiniye FC Barcelone kugeza mu 2015

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .