00:00:00 IGIHE NETWORK KN KINYARWANDA EN ENGLISH FR FRANCAIS

Mukamana wakiniye AS Kigali y’Abagore yerekeje mu Bufaransa

Yanditswe na Habimana Sadi
Kuya 10 Nyakanga 2021 saa 09:55
Yasuwe :
0 0

Mukamana Clèmentine wahoze ari myugariro wa AS Kigali y’Abagore ari kubarirwa i Paris mu Bufaransa mu rugendo rugamije gushaka ikipe kuri uyu mugabane w’i Burayi.

Mu 2017 ni bwo Mukamana Clèmentine yavuye muri AS Kigali Women Football Club yerekeza muri Kigoma Women Football Club yo muri Tanzania.

Bitewe n’uko umukinnyi yavugaga ko gukina hanze y’u Rwanda bizamufasha kuzamura urwego, Ubuyobozi bwa AS Kigali WFC bwabyumvise vuba bumworohereza kujya ku rwego rwisumbuyeho.

Muri Tanzania yahakinnye umwaka umwe gusa ahita yerekeza muri Kenya ariko n’ubundi bigizwemo uruhare n’iyi kipe irebererwa n’Umujyi wa Kigali.

Uyu mukobwa ukina mu mutima w’ubwugarizi, yahise akomereza urugendo rwe mu Bufaransa aho aherereye i Paris aho amaze amezi abiri.

Amakuru IGIHE yamenye ni uko yatangiye imyitozo mu batarabigize umwuga kuko izo azakoramo igeragezwa hari ibitaruzuzwa neza.

Mbere yo kujya muri AS Kigali Women FC, Mukamana yari avuye muri Remera Rukoma Women Football Club akigera muri iyi kipe iterwa inkunga n’Umujyi wa Kigali, ahita abona amahirwe yo kujya ahamagarwa mu Kipe y’Igihugu y’Abagore.

Mukamana Clèmentine (5) ubwo yakiniraga Ikipe y'Igihugu y'Abagore muri CECAFA yabereye mu Rwanda mu 2018
Mukamana (wa kabiri mu bahagaze uhereye ibumoso) ni umukinnyi ubanzamo mu Ikipe y'Igihugu y'u Rwanda y'Abagore

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .