00:00:00 IGIHE NETWORK KN KINYARWANDA EN ENGLISH FR FRANCAIS

Usengimana Danny yasubiye muri Police FC yahozemo

Yanditswe na Habimana Sadi
Kuya 8 Nyakanga 2021 saa 02:38
Yasuwe :
0 0

Uwari rutahizamu wa APR FC, Usengimana Danny, yerekeje muri Police FC yahozemo mu 2016. Ni nyuma yo gusoza amasezerano ye muri APR FC atitwayemo neza muri uyu mwaka.

Nubwo Ubuyobozi bw Police FC butaratangaza aya makuru, ariko inshuti za hafi za Usengimana zahamije ko yamaze gusinyira amasezerano y’imyaka ibiri iyi kipe y’abashinzwe umutekano.

Uwaganiriye na IGIHE mu nshuti ze za hafi yagize ati “Nibyo Danny yamaze gusinyira Police FC imyaka ibiri. Ku bijyanye n’amafaranga yahawe naba nkubeshye.”

Nubwo bigikomeje kuba ubwiru, ariko bivugwa ko Usengimana ashobora kuba yahawe miliyoni 13 Frw akanemererwa umushahara ungana n’ibihumbi 800 Frw buri kwezi.

Mu kwifuza kumenya icyo ba nyir’ubwite bavuga kuri aya makuru, IGIHE yahamagaye Umunyamabanga Mukuru wa Police FC, CIP Bikorimana Obed, ariko ntiyitaba telefone ye igendanwa.

Mu 2015 nibwo Usengimana yasinye muri Police FC amasezerano y’imyaka ibiri ubwo yari avuye mu Isonga FC yari isubiye mu cyiciro cya kabiri. Yakiniye iyi kipe imyaka itatu.

Mu 2016/17 Danny niwe waje imbere mu batsinze ibitego byinshi, kuko yatsinze 18 muri uwo mwaka w’imikino.

Mu myaka itatu yamaze muri iyi kipe y’abashinzwe umutekano yatsinze ibitego 38 ahava yerekeza muri Singida United yo muri Tanzania ariko ahamara umwaka umwe gusa ahita aza muri APR FC kuva mu 2018.

Mbere yo kugaruka mu Rwanda mu kipe y’Ingabo, yabanje kwerekeza mu Misiri muri Tersana SC ariko Singida United yari yamaze kumugurisha muri APR FC ariko umukinnyi we yifuzaga gukina mu Misiri birangira agarutse mu Rwanda gutyo.

Tariki ya 13 Nyakanaga 2018 nibwo hamenyekanye amakuru yavugaga ko Usengimana Danny yashoboraga kwerekeza mu ikipe ya APR FC atanzweho miliyoni 20 Frw agatandukana na Singida United yari asigajemo umwaka nyuma yo kutubahiriza amasezerano uyu rutahizamu yari yagiranye n’iyi kipe yo muri Tanzania.

Mbere yo kugaruka mu Rwanda, APR FC yari yumvikanye na Singida United ku masezerano y’umwaka uyu musore yari asigajemo ndetse yishyurwa miliyoni 20 Frw, uyu rutahizamu nawe ahabwa miliyoni 10 Frw.

Singida United yemeye kurekura uyu musore ndetse banamwandikira ibaruwa igaragaza ko bamurekuye ‘Release letter’ barayimushyikiriza arayibika ariko ntiyayishyikiriza APR FC yari imuguze.

Nyuma yo kubona ko APR FC irimo kugenda biguru ntege mu kumusinyisha no kumuha ibyo yamwemereye, nibwo tariki ya 3 Kanama 2018 uyu rutahizamu yerekeje muri Tersana SC mu cyiciro cya kabiri mu Misiri, aho yibwiraga ko ibyo APR yatanze azayibisubiza.

Uyu musore yasabye iyi kipe y‘Ingabo ko yayisubiza ibyo yatanze ariko ikamureka agakina mu Misiri, gusa Ubuyobozi bw’iyi kipe bumubera ibamba kuko bwari bumukeneye.

Usengimana Danny yasubiye mu ikipe yamuzamuriye izina
Ni umusore wagiriye ibihe byiza muri APR FC
Usengimana Danny (wambaye ikoti ritukura) yaboneye ibihembo muri Police FC mu 2016/2017
Mu 2018/2019 yari umukinnyi ubanzamo muri APR FC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .