Kwamamaza

Urutonde rw’abakinnyi 18 b’Amavubi bazajya guhangana muri Ghana

Yanditswe kuya 1-09-2016 saa 07:18' na Manzi Rema Jules


Umutoza w’Ikipe y’Igihugu Jimmy Mulisa yashyize hanze urutonde rw’abakinnyi 18 b’Amavubi bazakina umukino wa Ghana tariki 3 Nzeli 2016 i Accra mu guhatanira itike y’igikombe cya Afurika cya 2017 kizabera muri Gabon.

Nyuma yo gusezerera batandatu mu bari bahagamagawe mu cyumweru gishize agasigarana 24 bakomeje imyitozo, umutoza Jimmy Mulisa wahawe gutoza uyu mukino wa Ghana nyuma yo kwirukanwa kwa Kanyankore Yaounde na Eric Nshimiyimana, yamaze gutangaza 18 bagomba kwerekeza muri Ghana saa 14:00 kuri uyu wa Kane.

Nubwo nta mahirwe yo kuba u Rwanda rwabona itike yo gukina igikombe cya Afurika ruherukamo muri 2004, uyu mukino Amavubi yawushyizemo imbaraga nyinshi ashaka kugarurira icyizere abakunzi bayo ndetse no kwihimura kuri iyi kipe yayatsindiye i Kigali igitego 1-0.

Mu bakinnyi basezerewe harimo umuzamu Ndoli Jean Claude (AS Kigali), myugariro Kayumba Sother (AS Kigali), Djihad Bizimana na Butera Andrew ba APR FC bakina hagati na rutahizamu Danny Usengimana wa Police FC ndetse na Twizerimana Onesme wa APR FC.

Abakinnyi 18 bagomba kujya muri Ghana

Abazamu: Ndayishimiye Eric (Rayon Sport) na Marcel Nzarora (Police Fc)

Ba myugariro: Rusheshangoga Michel (APR FC), Imanishimwe Emmanuel (APR FC), Ndayishimiye Celestin (Police FC), Munezero Fiston (Rayon Sports), Rugwiro Herve (APR Fc), Usengimana Faustin (APR FC) na Manzi Thierry (Rayon Sports).

Abakina hagati:Mugiraneza Jean Baptiste (Azam FC), Mukunzi Yannick (APR FC), Niyonzima Ally (Mukura VS), Niyonzima Haruna (Young Africans),Nshuti Savio Dominique (Rayon Sports), Hakizimana Muhadjiri (APR FC) na Habyarimana Innocent (APR FC)

Ba rutahizamu: Sugira Ernest (AS Vita) na JacquesTuyisenge (Gor Mahia)

Umutoza w’Ikipe y’Igihugu Jimmy Mulisa yamaze gutangaza abakinnyi azajyana muri Ghana

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved