Urugendo rw’Amavubi muri Ghana rwasubitswe

Yanditswe na Kanamugire Emmanuel
Kuya 1 Nzeri 2016 saa 01:44
Yasuwe : XX
0

Byari biteganyijwe ko ikipe y’igihugu Amavubi igizwe n’abakinnyi 18, abatoza n’abaganga bahaguruka mu Rwanda i Kanombe kuri uyu wa Kane saa munani ikerekeza muri Ghana gukina n’iki gihugu umukino wa nyuma mu guhatanira itike y’igikombe cya Afurika cya 2017 ariko uru rugendo rwamaze gusubikwa aba basore bakaba bagomba kugenda kuri uyu wa Gatanu mbere y’amasaha 24 ngo bajye mu kibuga.

Nk’uko Ishyirahamwe ry’umupira w’amaguru mu Rwanda, Ferwafa ryabitangaje kuri Twitter, Amavubi ntakigiye muri Ghana uyu munsi nk’uko byari biteganyijwe ariko nta mpamvu yatanzwe yatumye urugendo rusubikwa.

Ferwafa yatangaje ko iyi kipe izahaguruka i Kigali kuri uyu wa Gatanu saa munani z’amanywa mbere y’amasaha 24 ngo bamanuke mu kibuga bahanganye n’ikipe ya Ghana kuri stade ya Accra Stadium.

Twagerageje kuvugisha ubuyobozi bw’ikipe Amavubi ngo hasobanuke impamvu y’izi mpinduka ntibyakunda.

Kuva Amavubi atangiye gutegura uyu mukino amaze kubamo impinduka nyinshi zirimo kuba abatoza Kanyankore Gilbert na Eric Nshimiyimana bari bahawe kuzatoza uyu mukino barirukanwe bamaze guhamagara urutonde rw’abakinnyi ariko batarakoresha n’imyitozo rimwe.

Jimmy Mulisa wabasimbuye na we yirukanye batandatu mu bakinnyi bari bahamagawe azana abandi ndetse n’uwari umutoza w’abazamu Mugisha Ibrahim arasezera bazana Higiro Thomas.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza