“Urubyiruko nirumara kumva ko siporo yaba umwuga watunga nyirawo nibwo tuzatera imbere”

Yanditswe na Manzi Rema Jules
Kuya 18 Werurwe 2017 saa 12:15
Yasuwe :
0 0

Muri gahunda ya Minisiteri ya Siporo n’Umuco yo kuzenguruka uturere dutandukanye ikangurira abaturage gukora siporo nk’isoko yo kwirinda indwara zitandura, umukozi wayo ushinzwe gushaka no gukurikirana impano z’abakiri bato, Habyarimana Florent yasabye urubyiruko rw’Akarere ka Burera guhagurukira siporo kandi rukumva ko kuyikora neza byanabyara amafaranga ibaye umwuga. Habyarimana Florent yasobanuriye urubyiruko n’ababyeyi babyitabiriye ko kuri ubu abantu bagize siporo umwuga aribo bakire (...)

Muri gahunda ya Minisiteri ya Siporo n’Umuco yo kuzenguruka uturere dutandukanye ikangurira abaturage gukora siporo nk’isoko yo kwirinda indwara zitandura, umukozi wayo ushinzwe gushaka no gukurikirana impano z’abakiri bato, Habyarimana Florent yasabye urubyiruko rw’Akarere ka Burera guhagurukira siporo kandi rukumva ko kuyikora neza byanabyara amafaranga ibaye umwuga.

Habyarimana Florent yasobanuriye urubyiruko n’ababyeyi babyitabiriye ko kuri ubu abantu bagize siporo umwuga aribo bakire bakomeye ku Isi kandi ko Abanyarwanda na bo imiryango idafunze igihe babikora babikunze bakanabiha umwanya.

Yagize ati “Akarere ka Burera mufite imisozi miremire yakabaye inyungu. Nubwo bigoye kubaka ibibuga byinshi by’umupira w’amaguru kubera iyi misozi n’amakoro ariko urubyiruko rwahitoreza imikino nko gusiganwa ku maguru kandi rukagera kure.”

Yakomeje agira ati “Ese muzi ko muri iki gihe abantu bahembwa neza ku Isi, babayeho neza ari abakinnyi? Natwe urubyiruko nirumara kumva ko siporo yaba umwuga watunga nyirawo nibwo tuzatera imbere kandi n’igihugu kikamenyekana hose binyuze mu mikino.”

Kugeze ubu u Rwanda nta Banyarwanda benshi yaba mu gihugu imbere cyangwa hanze bakina nk’ababigize umwuga, ariko Minispoc itangaza ko hamwe no kwegera abaturage n’urubyiruko by’umwihariko bakarwumvisha akamaro n’inyungu siporo yabagirira n’igihugu muri rusange, hari icyizere ko umubare uziyongera kuko abazagaragaza impano n’ubushake bazajya bafashwa mu buryo bushoboka bwose.

Muri uyu muhango wabereye mu Karere ka Burera, hanabayemo igikorwa cyo gushyikiriza amakipe y’imirenge ya Kinoni na Gahunga inkunga y’ibikoresho bya siporo birimo imyenda yo gukinana n’imipira yo gukina bari baremerewe n’Intore z’Imparirwakubarusha zirimo abayobozi b’Amashyirahamwe y’imikino, ab’amakipe, abanyamakuru ba siporo n’ibindi byiciro.

Abakapiteni b'imirenge bamaze kwambara imyenda no guhabwa imipira yo gukina
Habyarimana yasabye urubyiruko rwa Burera guhagurukira Siporo bakayikora nk'abashaka kuyigira umwuga
Abari bitabiriye iyi Siporo banasusurukijwe n'itorero ribyina imbyino za gakondo
Abaturage bakoze Siporo zirimo n'imyitozo ngororangingo itandukanye
Bagirishya Jean de Dieu avuga ko mu izina ry'Intore z'Imparirwakubarusha zatanze inkunga
Habyarimana Frorent wari uhagarariye MINISPOC asuhuza abakinnyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244