00:00:00 IGIHE NETWORK KN KINYARWANDA EN ENGLISH FR FRANCAIS

Umunyezamu Pucheta yahawe ikarita itukura kubera kwihagarika umukino uri kuba

Yanditswe na Bukuru JC
Kuya 18 Mata 2021 saa 09:15
Yasuwe :
0 0

Umunyezamu w’Ikipe ya Macará yo mu Cyiciro cya Mbere muri Équateur, Joaquín Pucheta, yahawe ikarita itukura ndetse ashobora guhagarikwa amezi atandatu nyuma yo kwihagarika inyuma y’ibyapa byamamaza ku kibuga mu gihe cy’umukino.

Byabaye mu mukino Macará yatsinzemo Orense ya nyuma igitego 1-0 ku wa Gatandatu nk’uko byatangajwe n’ikinyamakuru Primicias cyo muri Équateur.

Iki nyamakuru cyanditse ko “Joaquín Pucheta yagiye inyuma y’ibyapa byamamarizwaho, ahihagarika ubwo umupira wari mu rubuga rw’ikipe bari bahanganye. Byatumye abakinnyi n’abatoza ba Orense babibwira umusifuzi Roberto Sánchez wahaye umunyezamu ikarita itukura.”

Amashusho ya televiziyo kuri uyu mukino yerekana uyu munyezamu wo muri Argentine ahabwa ikarita itukura.

Ikinyamakuru El Comercio, cyo cyatangaje ko “uyu munyezamu yeretswe ikarita itukura kubera imyitwarire idahwitse.”

Umukinnyi wo hagati, Segundo Portocarrero, wari watsinze igitego cya Macará ku munota wa 68, ni we wagiye mu izamu mu minota y’inyongera ubwo umunyezamu yari amaze kuva mu kibuga.

Joaquín Pucheta ashobora guhagarikwa hagati y’amezi atatu n’atandatu adakina hashingiwe ku mategeko ya shampiyona ya Équateur.

Gutsinda uyu mukino byatumye Macará ifata umwanya wa gatanu n’amanota 15 mu mikino icyenda imaze gukinwa mu gihe Orense ifite amano atanu ku mwanya wa nyuma.

Umunyezamu Joaquín Pucheta yahawe ikarita itukura muri shampiyona ya Équateur kubera kwihagarika inyuma y'ibyapa byamamarizwaho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .