Kwamamaza

Umunyarwandakazi yatoranyijwe mu bazasifura igikombe cya Afurika

Yanditswe kuya 1-11-2016 saa 22:05' na Manzi Rema Jules


Impuzamashyirahamwe y’umupira w’amaguru muri Afurika, CAF, yatoranyije Umunyarwandakazi Mukansanga Salma Rhadia mu basifuzi bo hagati bazayobora imikino y’igikombe cya Afurika cy’abagore kizabera muri Cameroun kuva tariki 19 Ugushyingo kugera kuya 3 Ukuboza 2016.

Mukansanga ukubutse mu mahugurwa ya “CAF Elite A course” muri Cameroun yari yitabiriwe n’abagera kuri 47 yatoranyijwe mu basifuzi 10 bo hagati mu kibuga beza ku mugabane wa Afurika ari nabo bazayobora imikino y’igikombe cy’Afurika cy’abagore.

Mu bandi basifuzi batoranyijwe barimo Maria Packuita Cynquela Rivet (Ibirwa bya Maurice), Gladys Lengwe (Zambia), Lidya Tafesse (Ethiopia), Akhona Zennith Makalima (Afurika y’Epfo), Jeanne Ekoumou (Cameroun), Aissata Ameyo Amegee (Togo), Suavis Iratunga (Burundi), Carolyne Wanjala (Kenya) na Jonesia Rukyaa Kabakama(Tanzania) mu gihe Letticia Antonella Viana (Swaziland) ari uw’agateganyo wasimbura igihe bibaye ngombwa.

Abatoza bo ku mpande barimo Queency Victorie (Ibirwa bya Maurice), Rahma Alouini (Tunisia), Bernadettar Asimenye Kwimbira (Malawi), Mimisen Agatha Iyorhe (Nigeria), Bielignin Elodie Sophie Some (Burkina Faso), Atezambong Fomo Carine (Cameroun), Josiane Mbakop Nfongan (Cameroun), Mary Njoroge (Kenya), Idrissa Fanta Kone (Mali), Lidwine Rakotozafinoro (Madagascar), Souad Oulhaj (Maroc), Kossonoux Denise Akoua ( Côte d’Ivoire) na Adia Isseu Cisse (Sénégal).

Mukansanga usanzwe ari umuganga, yatangiye gusifura muri 2007 agera ku rwego mpuzamahanga muri 2012 yitwara neza mu marushanwa arimo amajonjora y’igikombe cy’Isi cy’abari munsi y’imyaka 17, 20 n’abakuru n’amarushanwa akomeye arimo All Africa Games yabereye i Brazzaville mu 2015, ndetse na CECAFA Women challenge 2016 yabereye Uganda muri Nzeri.

Igikombe cya Afurika cy’abagore ni ku ncuro ya 10 kigiye kuba kikazitabirwa n’ibihugu umunani birimo Cameroun izacyakira, Misiri, Zimbabwe na Afurika y’Epfo biri mu itsinda A naho Kenya, Mali, Nigeria na Ghana zikaba ziri mu itsinda B.

Inkuru bifitanye isano: Mukansanga mu bazakora amahugurwa azabahesha gusifura igikombe cya Afurika cya 2016

Umunyarwandakazi Mukansanga Salma Rhadia yatoranyijwe mu basifuzi bo hagati bazayobora imikino y’igikombe cya Afurika cy'abagore

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved