Kwamamaza

Umunyarwanda yahawe gasopo na CAF azira kwitwara nabi ku mukino wa Libya na Tuniziya

Yanditswe kuya 22-11-2016 saa 16:01' na Jah d'eau DUKUZE


Umusifuzi wo ku ruhande w’umunyarwanda Ndagijimana Theogene yihanangirijwe n’impuzamashyirahamwe y’umupira w’amaguru muri Afurika CAF, ko ashobora kuzahagarikwa mu gihe cyose akoze amakosa nkayo yakoze ku mukino Tunisia yatsinzemo Libya igitego 1-0.

Uyu mukino wabereye muri Algeria, wari umukino wa kabiri w’amatsinda wo gushaka itike yo kujya mu gikombe cy’isi, aho Wahbi Khazri yaje gutsinda igitego rukumbi cyabonetse muri uwo mukino, igitego cyabonetse kuri penaliti ku munota wa 56.
Muri uyu mukino wakiniwe kuri Stade Omar Hamadi de Bologhine i Alger kubera ikibazo cy’umutekano kiri mu gihugu cya Libya, wagiye ugaragaramo ibibazo byinshi by’imisifurire, harimo ibyemezo bitari byiza byagiye bifatirwa ikipe ya Libya bikarangira itakaje uyu mukino yari yarushijemo Tuniziya bigaragara.

Nyuma yo gukora isesengura na raporo za ba komiseri, ishyirahamwe ry’umupira w’amaguru muri Afurika CAF, ryahagaritse abasifuzi babiri bari kuri uwo mukino, mu gihe uwa gatatu ari we munyarwanda Ndagijimana Theogene, we yihanangirijwe kutazongera kugaragaza imyitwarire nk’iyo yerekanye muri Algeria.

Amanota Ndagijimana yakuye kuri uyu mukino, ni ukugaragaza umusaruro uri hasi ndetse no gusifura ko abakinnyi baraririye kandi atari byo, bigatuma ikipe ibura amahirwe yo gutsinda.

Uretse Ndagijimana wihanangirijwe, umunya-Kenya Davies Ongenche Omweno n’umunya-Eritrea Berhe O’Michael wanze igitego cya Libya, bo bahagaritswe amezi atatu.

Ndagijimana Theoegene akaba yihanangirijwe mu gihe mu Rwanda hamaze iminsi havugwa ibibazo by’imisifurire itari myiza kuva shampiyona yatangira. By’umwihariko, ku munsi wa gatanu wa shampiyona, imikino ya Etincelles na Pepiniere n’ Amagaju na As Kigali n’Amagaju hagiye havugwamo gutanga za penaliti zidafututse.

Ndagijimana Theogene ahanganye na Ndoli ku mukino wa As Kigali na Rayon Sports

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved