Kwamamaza

Umunyamabanga wa Mukura Victory Sports yeguye ku mirimo ye

Yanditswe kuya 27-09-2016 saa 10:35' na Manzi Rema Jules


Umunyamabanga wa Mukura VS, Sheikh Habimana Hamdan yeguye ku mirimo ye ku mpamvu ze bwite nyuma y’umwaka n’amezi abiri atorewe izi nshingano.

Amakuru yo kwegura k’uwari Umunyamabanga muri Mukura VS yamenyekanye mu gitondo cyo kuri uyu wa Kabiri, tariki ya 27 Nzeri 2016.

Sheikh Habimana yemereye IGIHE ko yafashe icyemezo cyo kwegura kubera impamvu ze bwite atashatse ko zitangazwa.

Yagize ati “Nibyo namaze kwegura ku bunyamabanga bwa Mukura Victory Sports kubera impamvu zanjye bwite."

Sheikh Habimana yeguye nyuma y’umwaka n’amezi abiri atorewe kuba umunyamabanga w’iyi kipe ibarizwa mu Karere ka Huye.

Uyu Munyamabanga wari umwe mu baterankunga ba Mukura VS yakomeje atangaza ko kwegura kwe bitavuze kuva mu ikipe ko ahubwo azakomeza kuyiba hafi mu bikorwa bitandukanye.

Yagize ati “ Kwegura kwanjye ntabwo byantandukanya na Mukura Victory Sports, nzakomeza kuyiba hafi ndetse n’umusanzu nkomeze kuwutanga nk’uko bisanzwe. Kuba neguye shampiyona ibura iminsi mike ngo itangire nizeye ko nta kibazo bizagira ku ikipe kuko ifite ubuyobozi bwiza.”

Mu gihe Sheikh Habimana yari amaze ku mwanya w’ubunyamabanga bw’iyi kipe, yatanze umusanzu wa miliyoni 15,244,180 z’amafanga y’u Rwanda, angana na 10% by’ingengo y’imari yakoreshejwe mu mwaka ushize w’imikino wa 2015/2016.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved