Kwamamaza

Mulindahabi wari Umunyamabanga wa Ferwafa ashobora gusubizwa ku mirimo ye

Yanditswe kuya 7-09-2016 saa 13:58' na Manzi Rema Jules


Nyuma yo gukatirwa igifungo cy’amezi atandatu ari muri gereza azira kugira uruhare mu gutanga isoko ryo kubaka Hoteli ya Ferwafa mu buryo bunyuranye n’amategeko, Umunyamabanga wa Ferwafa Me Mulindahabi Jean Olivier wamaze gufungurwa biteganyijwe ko haterana inama ya komite ya Ferwafa iziga niba asubira mu kazi cyangwa agasezererwa.

Me Mulindahabi watawe muri yombi tariki ya 8 Gashyantare 2016 akekwaho ruswa no gutanga isoko ryo kubaka Hoteli y’inyenyeri enye ya Ferwafa akoresheje ikimenyane.

Yaje kugezwa imbere y’ubucamanza tariki 24 Kamena nyuma y’amezi ane afunzwe by’agateganyo, akatirwa gufungwa amezi atandatu nyuma y’aho umucamanza avuze ko ibyaha bimuhama atari ruswa ahubwo ari ‘ibyo gukoresha nabi umutungo ufitiye rubanda inyungu’.

Me Mulindahabi yarekuwe kuya 7 Kanama nyuma y’amezi atandatu yari amaze afunze.

Mu kiganiro na IGIHE, Umuvugizi wa Ferwafa, Hakizimana Mussa yatangaje ko ubu Me Mulindahabi yamaze gufungurwa ariko ataramenya niba azasubira mu mirimo yari asanzwe akora muri Ferwafa kuko inama ya komite itaraterana ngo ibyigeho ariko ishobora guterana vuba.

Ati "Umunyamabanga wa Ferwafa[Me Mulindahabi Jean Olivier] yamaze kurekurwa ariko ibyo gusubira ku mirimo ntabwo kirafatwaho icyemezo kuko ni komite izabyemeza. Kugeza ubu ntiraterana ariko ishobora kuba vuba."

Me Mulindahabi Jean Olivier wari usanzwe ari Umunyamabanga muri Mukura Victory Sports, yagizwe Umunyamabanga mukuru wa Ferwafa tariki 12 Werurwe 2014 asimbuye Gasingwa Michel wari umaze kwegura.

Kugeza ubu iyi Hoteli yateje ibibazo bikomeye igatuma bamwe banafungwa isoko ryamaze kwamburwa kompanyi yitwa XPATCO yari yararitsindiye mu buryo butanyuze mu mategeko ndetse yaratangiye kubaka ubu hakaba hari ibindi bigo bitatu birimo kurihatanira birimo Kompanyi y’Abashinwa, China Civil Engineering Construction Corporation Ltd (CCECC), ECM Ltd na ROKO Construction Rwanda Limited.

Hoteli y’inyenyeri enye ya Ferwafa, izaba igizwe n’ibyumba 88, ikaba yakwakira nibura amakipe atatu icya rimwe, biteganyijwe ko izuzura itwaye miliyari 4 z’amafaranga y’u Rwanda.

Umunyamabanga wa Ferwafa, Murindahabi Olivier ashobora gusubira ku mirimo ye nyuma y’igihe ari mu gihome

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved