00:00:00 IGIHE NETWORK KN KINYARWANDA EN ENGLISH FR FRANCAIS

Umukino wa nyuma wa FA Cup uzerekanwa kuri StarTimes

Yanditswe na Bukuru JC
Kuya 13 Gicurasi 2021 saa 08:50
Yasuwe :
0 0

Chelsea izahura na Leicester City ku mukino wa nyuma wa FA Cup uzakinirwa kuri Stade Wembley ku wa Gatandatu ndetse ukazerekanwa kuri shene ya World Football ya StarTimes.

Chelsea itozwa na Thomas Tuchel, irahabwa amahirwe menshi yo kwegukana iri rushanwa, ariko na Leicester City ni imwe mu makipe yitwaye neza muri uyu mwaka w’imikino.

Thomas Tuchel wirukanywe na Paris Saint-Germain mu Ukuboza, ashobora gutwara igikombe cye cya mbere muri Chelsea nyuma yo kuba umutoza wa mbere wagejeje amakipe abiri atandukanye ku mukino wa nyuma wa Champions League mu myaka ibiri yikurikiranya.

Hategerejwe kurebwa niba Tuchel azarekera mu izamu umunyezamu Kepa Arrizabalaga wakinnye imikino yose ya FA Cup cyangwa niba kuri iyi nshuro azitabaza Edouard Mendy waguzwe mu mwaka ushize agahita aba umunyezamu wa mbere.

Edouard Mendy aherutse kuvuga ko umubano hagati yabo umeze neza ndetse bakorera hamwe nk’abanyezamu b’ikipe imwe.

Ati “Umubano wanjye na Kepa ni mwiza kandi ni ko bimeze no kuri Willy (Caballero, umunyezamu wa gatatu). Dukorera hamwe, dukinira ikipe imwe n’umwambaro umwe bityo rero tugomba kuba umwe. Turafashanya mu myitozo.”

Umunya-Nigeria Kelechi Iheanacho ukinira Leicester City ni umwe mu bazaba bahanzwe amaso ku wa Gatandatu, aho afatanya na Jamie Vardy mu busatirizi.

Iheanacho amaze iminsi yitwara neza ndetse amaze gutsinda ibitego 11 muri uyu mwaka w’imikino birimo 10 mu mikino 10 iheruka.

Gusa, nubwo nta kibazo gikomeye Leicester City ifite mu busatirizi, umutoza Brendan Rodgers afite impungenge mu bwugairizi cyane ku mukinnyi Jonny Evans wavunikiye mu mukino wa Newcastle mu mpera z’icyumweru gishize ndetse akaba ashidikanywaho.

Abafana 22.000 ni bo bemerewe kwitabira uyu mukino wa nyuma wa FA Cup kuri Stade Wembley.

Ku bakunzi b’umupira w’amaguru muri Afurika, bazakurikira uyu mukino uri kuba mu mashusho meza ya HD ku mashene y’umupira w’amaguru ya StarTimes.

Iki kigo kiyoboye ibindi mu gusakaza amashusho ya televiziyo cyerekanye iri rushanwa ryose muri uyu mwaka w’imikino ndetse kizerekana umukino waryo wa nyuma.

Uretse FA Cup ifatwa nk’irushanwa rikuze kurusha ayandi ku Isi, StarTimes yerekana Bundesliga, La Liga, UEFA Europa League ndetse n’Igikombe cy’u Burayi (UEFA Euro 2020) kizaba hagati ya tariki ya 11 Kamena n’iya 11 Nyakanga 2021.

Chelsea na Leicester City zizakina umukino wa nyuma wa FA Cup uzerekanwa kuri StarTimes ku wa Gatandatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .