Umukinnyi w’ikipe ya Nyagatare yapfuye akubiswe n’inkuba

Yanditswe na Ishimwe Israel
Kuya 5 Ukwakira 2016 saa 12:54
Yasuwe :
0 0

Myugariro w’ikipe ya Nyagatare y’Abagore, Brandine Nyiraziraje yitabye Imana akubiswe n’inkuba mu murenge wa Musheri ku mugoroba wo kuri uyu wa Kabiri, tariki 4 Ukwakira 2016.

Uyu mukobwa wari utangiye gukina mu cyiciro cya mbere uyu mwaka muri Nyagatare ngo yari kumwe na mugenzi we bugamye imvura nyinshi yagwaga ku mugoroba, inkuba ikubise aba ariwe upfa undi ararokoka nk’uko umunyamabanga w’iyi kipe, Aimable Sandro yabibwiye IGIHE.

Ati “Twabimenye ku mugoroba ko Brandine yitabye Imana. Inkuba yakubise ari kumwe n’undi mwana ariko aba ariwe ihitana. Ni umwaka wa mbere yari aje mu ikipe kuko mbere yarakiniraga Umurenge wa Musheri n’ibigo by’amashuri .”

Brandine Nyiraziraje w’imyaka 20 yari umwe mu bakinnyi b’inyuma batanga icyizere kuko mu mikino mike yari amaze gukinira Nyagatare yari yitwaye neza by’umwihariko ngo akaba yagaragazaga ikinyabupfura mu kibuga no hanze yacyo.

Ishyirahamwe ry’umupira w’amaguru mu Rwanda biciye ku muyobozi waryo, Nzamwita Vincent de Gaulle, yihanganishije iyi kipe n’umuryango w’umukinnyi witabye Imana.

Nzamwita yagize ati “Mu izina ry’ubuyobozi bwa Ferwafa, n’iryanjye bwite, nihanganishije ikipe ya Nyagatare y’Abagore, umuryango ndetse n’abakunzi b’umupira w’amaguru mu Rwanda. Nifatanyije namwe muri iki gihe kigoye.”

Mu rwego rwo gutegura umuhango wo kumuherekeza uteganyijwe kuri uyu wa Gatatu nyuma ya saa sita, Ferwafa yafashe umwanzuro ko umukino wa shampiyona wari uteganyijwe hagati ya Nyagatare WFC na Kamonyi WFC usubikwa ukazakinwa tariki 19 Ukwakira 2016.

<

Yari umukinnyi w'umuhanga urangwa no gucisha make
Nyiraziraje witabye Imana (uriho akamenyetso k'umutuku) ifoto yafashwe ku wa Gatatu w'Icyumweru gishize, Nyagatare ikina na les Lionnes
Umunyamabanga wa Nyagatare WFC, Aimable Sandro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza