00:00:00 IGIHE NETWORK KN KINYARWANDA EN ENGLISH FR FRANCAIS

Umuganga wa Etincelles yirukanywe kubera kurenga ku mabwiriza yo kwirinda Covid-19

Yanditswe na Habimana Sadi
Kuya 8 Kamena 2021 saa 08:58
Yasuwe :
0 0

Byiringiro Joël wari umuganga mukuru w’ikipe ya Etincelles FC, yahagaritswe ku mirimo yari ashinzwe kubera kurenga ku mabwiriza yo kwirinda Covid-19 akava mu mwiherero w ‘ikipe akajya hanze atabiherewe uruhushya n’ubuyobozi bw’ikipe.

Ni nyuma yo kubikora inshuro nyinshi zitandukanye, ubuyobozi bw’ikipe Etincelles FC bugakomeza kujya bumwihanganira ariko ntabicikeho.

Umunyamabanga w’ikipe ya Etincelles FC, Kabanda Innocent yemeje ko bamaze kwirukana Byiringiro Joël, ndetse avuga ko ari ibintu yakoraga kenshi hakaba hari n’abakinnyi bari batangiye kumukurikiza.

Ati ’’Nibyo twasheshe amasezerano twari dufitanye na Byiringiro Joël wari umuganga w’ikipe kubera kutubahiriza amabwiriza yo kwirinda icyorezo cya Covid-19, aho ku munsi w’ejo tariki ya 6 Kamena yavuye aho ikipe icumbitse akagaruka nimugoroba. Ni ibintu yajyaga akora kenshi kandi hari abakinnyi bari batangiye kumwigana.”

Uyu muganga ahagaritswe nyuma y’umunyezamu Biganza w’intizanyo ya Rayon Sports FC, na we wahagaritswe mu minsi ishize kubera kubura mu mwiherero ubwo ikipe ye yari igiye kwipimisha Covid-19, akaburirwa irengero yagaruka agategekwa kujya kwipimisha nuko agahita agenda burundu.

Andi makuru IGIHE yamenye, ni uko uyu muganga mu nshuro zose yasohokaga mu mwiherero w’ikipe, yabaga agiye kunywa inzoga kandi yagarukaga mu kazi zikimurimo.

Ubuyobozi bw’ikipe ya Etincelles FC buvuga ko butazigera na rimwe bwihanganira uwo ari we wese mu bakozi b’iyi kipe, wica amabwiriza yo kwirinda icyorezo cya Covid-19.

Uwari umuganga wa Etincelles FC, Byiringiro Joël yamaze kwirukanwa kubera kwica amabwiriza yo kwirinda Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .