00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda rwongeye gusubira inyuma ku rutonde rwa FIFA

Yanditswe na Eric Tony Ukurikiyimfura
Kuya 20 Ugushyingo 2021 saa 10:10
Yasuwe :
0 0

Ikipe y’Igihugu y’abagabo ‘Amavubi’, yasubiye inyuma imyanya ibiri ku rutonde ngarukakwezi rw’Ishyirahamwe ry’Umupira w’Amaguru ku Isi (FIFA) rwashyizwe hanze ku wa 19 Ugushyingo 2021.

Kuri uru rutonde rwasohotse ku wa Gatanu, u Rwanda ruri ku mwanya wa 135 ku Isi n’uwa 39 muri Afurika nyuma yo gutakaza amanota 16,45 rukagira 1095,34.

Mu Ukwakira, u Rwanda rwari ku mwanya wa 133 n’amanota 1111,79.

Ikipe y’Igihugu yasubiye inyuma nyuma yo gutsindwa na Mali ndetse na Kenya mu mikino ibiri isoza ijonjora rya kabiri ryo gushaka itike y’Igikombe cy’Isi cya 2022, yombi yabaye muri uku kwezi.

Repubulika Iharanira Demokarasi ya Congo ni iya 12 muri Afurika n’iya 64 ku Isi mu gihe Uganda ari iya 16 muri Afurika n’iya 82 ku Isi.

Kenya iri ku mwanya wa 102 ku Isi, Tanzania ikaba iya 131 mu gihe u Burundi buri ku mwanya wa 140.

Ibihugu 10 bya mbere ku Isi ni u Bubiligi, Brésil, u Bufaransa, u Bwongereza, Argentine, u Butaliyani, Espagne, Portugal, Danemark n’u Buholandi.

Muri Afurika, ibihugu 10 biyoboye ibindi ni Sénégal (ya 20 ku Isi), Maroc (ya 28), Tunisia (ya 29), Algérie (ya 32), Nigeria (ya 36), Misiri (ya 45), Cameroun (ya 50), Ghana (ya 52), Mali (ya 53) na Côte d’Ivoire (ya 56).

Biteganyijwe ko urutonde ngarukakwezi rwa FIFA rusoza umwaka wa 2021 ruzatangazwa ku wa 23 Ukuboza ndetse byitezwe ko nta mpinduka zikomeye zizaba kuko nta yindi mikino mpuzamahanga iteganyijwe.

U Rwanda rugeze ku mwanya wa 135 ku rutonde rwa FIFA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .